كلمات اغنية وجه واحد عبدالعزيز العليوي
عسى الله يعين الي عليه الحمول اثقال
و في كل يوم يزيد همن على همه
تعود على جور الليالي و حط و شال
و سده قوي ما يطلع السد من يمه
اغني و اسولف كن ما فيه ضيقة بال
اكافح هواجيسٍ على البال ملتمة
ليا داهمتني في يدي يبرد الفنجال
ابى اكمل الفنجال واقوم ما اتمه
فجوج البسيطة للمسير عراض طوال
وانا ماني اللي يخطي الدرب و يخمه
ادلّ الطريق اللي يحقق لي الآمال
معي قوة الايمان والعزم والهمة
مجود قفول الباب عن قوم قيل وقال
وعن فرصةً يفرح بها راعي النمه
على وجه واحد واكره اسلوب الاستغفال
واحب الكلام الصدق واكره ولد عمه
واحب الرفيق الي علومه علوم رجال
رفيقً عزيز وصافي اصفا من الجمه
اعده ليا جات الشدايد ذرا وظلال
طويل الشبور اقدمه لاكبر مهمه
فداه الرفيق اللي يجي كل يوم بحال
رفيقٍ لو يطرّف رفيقه شرب دمه
مع ابليس كنّ ابليس حطه مدير اعمال
معه مثل اخوه اللي من ابوه و من امه
ليا صرت حاضر ينقطع عنه الارسال
ولا غبت ما ردّه ضميرٍ لا ذِمة
وانا خابر الجاهل يردونه العقال
لو يجاملونه ما يجي غير بمطمة
رجال المواقف تعطي دروس للأجيال
رفيع القدر بحضورهم محدٍ يذمه
من المستحيل ان البطل يكره الابطال
و لو زادوا الابطال تاسعهم القمة
كلمات اغنية حبوب حبوب عبدالعزيز العليوي
