كلمات اغنية وطن روحي عيضه المنهالي
أمّي حكايه فارقه عن زمنها
وجهٍ بطيب الفال والنور مرسوم
أمّي قصيدة حب يبقى لحَنْها
خالد ومتجدد وَلا ينتهي دوم
أمّي وطن روحي وروحي وطنها
ليت العمِر ما بين الاحباب مقسوم
واللهْ ما اذخر يوم في العمْر عنها
لو كان ما باقي بعمري سوى يوم
موزه كأنّ الطيب مخلوق منها
قلبٍ يشلّ الهم عن كل مهموم
فديتها يا كم غمرني حضِنْها
من عقْب دمعة عيني لفَقْد مكتوم
تبذل عطاياها وتتْعِب بدَنْها
وتسعى لفعل الخير وعْزومها عزوم
ترسم لي البسمه وتخفي حزَنْها
وتسهر عقُب ما تهتني عيني النوم
أغلى هدايا الكون يرخص ثمنها
لى جيت اباهديها وهي فاقت السوم
عمري لها فدوه وقلبي سكنها
اللي تسكّن قلبها كل محروم
يا ربي احفظها لروحي وصنها
من كل باس اللى لها القَدر محشوم
هي شمسي اللي من مهابة حسِنها
دنياي تشرق بالسنا لو هي غيوم
كلمات اغنية زفة الشيخة روضه عيضه المنهالي
