كلمات اغنية وقفة سموه كورال الامارات

كلمات اغنية وقفة سموه كورال الامارات

وقفة سموه كلمات

رَوَّحَنْ خَمْسِيْن عَامْ وَاقْبَلَنْ خَمْسِيْن عَامْ
يَا وِطَنْ مَاضِيْه يَعْكِسْ فَخَرْ مِسْتَقْبله
يَا إمَارَاتْ النِّقَا وِالْمَحَبِّهْ وِالسَّلامْ
يَا ثَرَى فَوْق الثِّرَيَّا تَعَلَّى مَنْزِلِهْ
فِيْ ذَرَى بُوْ خَالِدْ الْقَايِدْ الشَّهْم الْهُمَامْ
رَيـِّسْ الدَّوْلِهْ وْرَمْز الْفَخَرْ وِالْمَرْجِلِهْ
وَقْفِتِهْ وَقْفَةْ سِمُوّ فِيْ مِيَادِيْن الزِّحَامْ
وْمَهْرِتِهْ شَقْرَا وْغَرَّا نَحَرْ وِمْحَجِّلِهْ
سِيْرِتِكْ عِطْر وْ شِذَا.. نَفْحِتِكْ رِيْحَةْ خِزَامْ
رَايِتِكْ بَيْضَا وْصَفْحَةْ نِبَاكْ مْجَمِّلِهْ
أسْمِكْ اللَّى يُوْقَفْ الْكَوْن لاجْلِهْ بِاحْتَرَامْ
زَايِدٍ مِنْ زَوْد زَايِدْ وْ لا احَدْ يِجْهَلِهْ

قَادِتِكْ عِزّ الْوِطنْ صِفْوَةْ شْيُوْخٍ كِرَامْ
وْشَعْبِكْ أسْيَادْ الْعَطَا وِالْفِعُوْل الْمِذْهِلِهْ
مَا نِمِدّ إلاَّ جِزِيْل وْ نِرُوْم أعْلَى سَنَامْ
فَالْنَا لِلزِّعْفِرَانْ وْكِسَبْنَا الأوَّلِهْ
مِنْ خَلَقْنَا اللّه وْنِحْنَا عِزِيْزِيْن الْمِقَامْ
نَحْشِمْ الْوَافِيْ وْحِقْد الرِّدِيْ مَا نَحْفِلِهْ
حِنْ مِقَابِيْس الضِّيَا فِيْ دِيَاجِيْر الظَّلامْ
وِالنِّجُوْم الْهَادْيِهْ وِالْغِيُوْم الْمِهْطِلِهْ
نَهْجِنَا نَهْج الْوِفَا وِالْخُطَى نَحْو الأمَامْ
مِنْ عِزُوْم الْمَاضِيِهْ نِحْتِزِمْ لِلْمِقْبِلِهْ
نِحْتِفِيْ بْخَمْسِيْن عَامٍ بَعَدْ خَمْسِيْن عَامْ
مِنْ فَخَرْ مَاضِيْه نَبْنِيْ فَخَرْ مِسْتَقْبِلِهْ

اغنية وقفة سموه كورال الامارات

Elteeta
أكبر مجموعة من كلمات الأغاني

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram