كلمات اغنية يامي حشان ال منجم
بحثت وين المرجله في قوقل
واهل النصال اللامعه والصقّل
والصيت الاعلى فـ القُبل والاثقل
يامي طلع يا يام ب اسم اليامي
اهل الكرم والجود واهل الشيمه
والقيمة اللي ما وراها قيمة
هاماتهم فوق السماء و الغيمه
و اصغر صبي فيهم محنك رامي
بيض الوجيه اللي غترهم بيضاء
وسيوفهم بيضاء شطيره تلضى
في حرب والا سلم والا عرضا
يام العريقه و المقام السااامي
يام انجبت مثل الربيعي مااانع
في المواقع وقفته و الواقع
بالجود حلق في فضاه الواسع
مانع على أسلاف العوايد حــامي
عدّى بفعله فوق ما نتصور
قبلة و محراب الكرم و المحور
حتى و لو شعري حواه و سوّر
يجُف في وصفه نزيف أقلامي
فيه الكرامه و الشهامه فـطره
مضياف عند الضيف طائي عصره
كفه سخي في شح والا كثره
انشهد انك وسلتي و حزامي
في مدح مثلك هاجسي يتشّرف
عشان ذي ما يعرفك يتّعرف
عندي من ابيات الجزالة مصرف
ووصفك أسمى من حدود اللهامي
مدح النشاما فرض ما هو عنوه
ما يتبعه مصلوح و الا رشوه
قلت القصيد الكفو للي كفوه
لو كان ما هو من عيال اعمامي
والكفو يفرح لا مدحت الوافي
ويقول ليته زود ما هو كافي
والا الضعيف اللي زعل لأنصافي
يموت من غيث المراجل ضامي
كلمات اغنية نسمة العيد حشان ال منجم
