يا بنتي كلمات
كلمات اغنية يا بنتي مي سليم
عدت الأيام يا بنتي
و الليلادي الكل شافك
وسط فرحه كبيره وانتي
قاعده لابسه توب زفافك
أيوه رايحه لدنيا تانيه
لسه فيها هتبتدي
بس قلبي هيبقي عندك
مهما عني هتبعدي
كنت وانا بلعب معاكي
بادعي و ف حضنك بَضُم
إني اشوفك يوم عروسه
زي حلم أي أُم
وادي أحلامي ودُعايا
شوفتهم بعينيا آهُم
فهّميني كبرتي إمتي
لأ وقلبك داب و حب
ياللي لسه ما جاش ف عمري
أغلي منك أو أحَب
ربنا يهنيكي دايماً
باللي تتمنيه يا رب
نمسك الخشب النهارده
هوه فيه حد ف جمالك
لأ وبكره الفرحه تكمل
وبإيديا أشيل عيالك
بالسلامه وبادعي ليكي
طول حياتك تكسبي
عايزه اوصي كمان حبيبك
شيلها ف عينيك والنبي
كلمات اغنية احنا كبنات مي سليم