كلمات اغنية يا ذيب نخيتك يا ذيب احمد ابو سليم
معولين فال زين
وقتنا صار عقابة
صرنا بنسلم بالعين
عالغريب والقرابة
يا ذيب نخيتك يا ذيب
تسمع من بالة ضايق
انت تردك اللواهيب
وانا يردوني الرفايق
يا ذيب وزود عواك
علي فراق الحبايب
الي افعالهم شرواك
عقبهم ناري لهايب
الهجن قفن يا خال
خذن معهن حبيبي
قفن والدمع سيال
وناري ف قلبي لهيبي
قفن اشوفهن زوال
البارح حتن المغيبي
علي الله لني خيال
الحقهن وجرحي يطيبي
لو اني ميسور الحال
يردهم بناخ طنيبي
لكني ما املك المال
املك شيم الذيبي
قالو غير ما غير
قلت ما ودي غيرة
كيف انا اغير ولفي
الي سنة صغيرة
يلي مفكر حالك ذيب
صدق ما تسوي الواوي
مسوي حالك رهيب
وانتة ما تسوي ساوي
يا ناشد من اي عرب
من عرب السوارك
اولهم وقت الحرب
اولهم فالمعارك
يلي تسأل من ربعي
انا من نسل العكور
طبعهم زين الطبعي
وقلبوهم كما الصخور
انتي كما شجر زتون
في وسط الوادي لة هية
الله عطاكي من العيون
هدبهن زي سن شبرية
يا طير ويلي مشمل
ميل ع وليف الروح
امرق علي الي فارق
خبرة بقلبي المجروح
