كلمات اغنية يا راعي الند البنزين محمد ابو شعر

ياراعي الند البنزين
زغرت ياحس البردي
القرناويفعله مشهودي
صيته في رهط موجودي
وفي مصر وفلسطين

خذ من زين الهقاوي
هاضه مبين القرناوي
عطول على التهريب ناوي
التهريب كاره امن اسنين

القرناوي من ناس املاح
يامبين عمره ماطاح
القرناوي راعي الاسلاح
على القنص مدربين

عينك على راعي الاودي
امشوط على الاحدودي
حمله ان عقد مايعودي
القرناوي مخبورن زين

مبين فالباقي سواق
الاول عطول سباق
ياويلك لن ليكو فاق
السرعه فوق ال200

يارعي الند البنزين
يامبين فسواقه شين
اسمع مني يافطين
عالسلك ولا بلين

وياعينك على عمير
نشمي وفعله خطير
والي بيقوله بيصير
امن الناس المعروفين

وياعينك على وفيق
يوقف جنبك وقت الضيق
هاد الي تسميه رفيق
وفيق الرجل الرزين

يوم تنخا انخا اذيب
فالشده عمره ماغاب
مخبو في وقت الاصعاب
مايهمه لو كثيرين

وسلامه درك ومخبور
ماياخذ من حد الشور
ابتلقاه اول الدور
يدهس عخشم الخاينين

رفاقه وصربه جباره
وبتفهم على الاشاره
الهامل تكسر منخاره
واتكسر ايده التنتين

رفاقه الموت ماتهابه
رفاقه صربه غلابه
والنذل اينتفو اشنابه
يدعسو على الحاقدين