كلمات اغنية يا مسهرني ام كلثوم 1972

كلمات اغنية يا مسهرني ام كلثوم

ماخطرتش على بالك يوم تسأل عني

وعنية مجافيها النوم يا مسهرني

دانا قلبي بيسألني إيه غير أحواله

ويقول لي بقى يعني ما خطرتش على باله

أمال غلاوة حبك فين وفين حنان قلبه عليا

وفين حلاوة قربك فين فين الوداد والحنيه

يا ناسيني وإنت على بالي

وخيالك ما يفارق عيني

ريحني واعطف على حالي

وارحمني من كتر ظنوني

لا عنيا بيهواها النوم

ولا باخطر على بالك يوم

إسأل عني.. يامسهرني

إسأل عن اللى يقضي الليل

بين الأمل وبين الذكرى

ويصبر القلب المشغول

ويقول له نتقابل بكره

وبكره يفوت وبعده يفوت

ولا كلمه ولا مرسال

وهو العمر فيه كام يوم

وأنا بعدك عليا طال

ياناسيني وإنت على بالي

وخيالك ما يفارق عيني

ريحني واعطف على حالي

وارحمني من كتر ظنوني

لا عنيا بيهواها النوم

ولا باخطر على بالك يوم

إسأل عنى يامسهرنى

يامسهر النوم فى عنيا

سهرت أفكاري وياك

الصبر ده مش بإديا

والشوق واخدني لبحر هواك

أقول لروحي وأنا ذنبي إيه

يقول لي قلبي حلمك عليه

مسيره بكره يعطف علينا

ونبقى نعرف هجرنا ليه

ياناسيني وإنت على بالي

وخيالك ما يفارق عيني

ريحني واعطف على حالي

وارحمني من كتر ظنوني

لا عنيا بيهواها النوم

ولا باخطر على بالك يوم

إسأل عنى يامسهرنى

تعالى خلي نسيم الليل

على جناح الشوق يسري

الهجر طال والصبر قليل

والعمر ايامه بتجري

طالت الايام

تعالى لي قوام

دانا عندى كلام بدى اقوله لك

دانا عندى كلام

وفى قلبي هيام وفى قلبى هيام أوصفهولك

ونعيش أيام ولا فى الاحلام

ياناسيني وإنت على بالي

وخيالك ما يفارق عيني

ريحني واعطف على حالي

وارحمني من كتر ظنوني

لا عنيا بيهواها النوم

ولا باخطر على بالك يوم

إسأل عنى يامسهرني

كلمات اغنية يا مسهرني ام كلثوم

      التيتا-Elteeta