كلمات قصيدة ابجوا كربلا محمد باقر الخاقاني
ابچوا كربلا حد الجفن ماينطبگ
ابچوا عايله مابين ظامي ومحترگ
غربه بالفلا وگلوب خوف وهم تدك
ظعن حزنه يچوي بالدم عاشر الهم ذابحله راي
خدر گدره بي تغرّب چم جفن صب للغربه هاي
ابچوها لحد متصير الغربه بكل وجه نيشان
فشل بوجوهنه يظل لون وزينب رايحه لديوان
تطلع دون چف عباس مو بحساب زينب چان
دارت الدنيا وخدرها بغربه صار
وانسبت من دار اهلها لشرِ دار
كربلاء لازلتِ كربً وبلاء
ابچوا عالخدر ولكل هضم مس الظعن
عازة الستر من طاحت چفوف الوطن
ورجعة المهر خالي وحرم يتنطرن
ركض طلعت النساء من عاود الهن مهر الذبيح
حرم تنعى لاطمه الخد واا محمد بالطف تصيح
طيح ويه الدمع مكسور جرح الغيره يسوه الحيل
خَرجّنَّ من الخدور ركاض حرم من گد هضمها تميل
صاحن بالعويل حسين بس حسين جوه الخيل
العنده مثل الطف جرح مايبره كون
حسره تبقه بگلبه لچمات الظعون
كربلاء لازلتِ كربً وبلاء
ابچوا عالبخت الما طالع وبالطف طلع
ابچوا عالبقت وحدها مابين الفزع
بالغرب صفت وكافلها راح ومارجع
كتر اخوها واگـِفه تصد تنطر ترد راية كفيل
ورجع الها مو علمها حد خيمها تعنتها خيل
هنا كسرة عليل حسين هذا الموقف وضيمه
تخنگني عبرتي يگول كل ما اصد على الشيمه
اذكر ركضة النسوان من خيمه لعد خيمه
لچمه كون الطف يعيش بكل ضمير
وتبقه غربة كربلا الجرح الچبير
كربلاء لازلتِ كربً وبلاء
عاهد الخيم يخلص دمع ذمه العمر
ما يطيب الم ودم تنزف جفوف الخدر
غربة الشيم عايشها اظل اه وجمر
عليّ يحرم اگطع الونّ والتهي عن جرح الخدور
ظعن منّه ماطلع ظِل تالي ينزل بين القصور
بگلبك عيش جرح الشام لاتغفل عله اونينه
اصعب چلمه بالتاريخ خزينا من النظر لينه
ديره وكل كتر شمّات والشامت سهم عينه
اتغرّب لكل دمعه طاحت للنساء
وانعه حسره من القصور لكربلاء
كربلاء لازلتِ كربً وبلاء
كلمات قصيدة عايش لثأرك سنيني محمد باقر الخاقاني
