كلمات قصيدة جوابي ده الاخير ليكي يامعاليكي عمرو حسن

كلمات قصيدة جوابي ده الاخير ليكي يامعاليكي عمرو حسن
Home - عمرو حسن - كلمات قصيدة جوابي ده الاخير ليكي يامعاليكي عمرو حسن

كلمات قصيدة جوابي ده الاخير ليكي يامعاليكي عمرو حسن

يامعاليكي
ياست الحسن
ياسبب الحزن والعلة
ياشجرة حسبتها ضله وطلعت نار
بداية القول مساء الفل ع الأزهار على خدودك
مابنجرّحش
ومابنسمحش حد يقول كلام عنك
لذلك ثم أما بعد
أنا الطفل اللي كان ف عنيكي متشعبط
يشوفك روحه تتلخبط
وقلبه ابن الحرام يضعف ويستعبط
كإنك زار وانا الدرويش
كإنك غار وانا الحرافيش
كإنك كنتي قرش حشيش
دخل رئتيني وملاني
كإنك دار وانا اللي ماليش
سوا الدار اللي لمّاني
بغض الجرح مين خان مين
ومين قصّر مع التاني
وغض الطرفْ عن اسمك
وطعم خروجه ف لساني

أنا مليّت من القصة ومن لعبة خلاص لسه
لقيتك غيمة ف حياتي حسبتك مطره قمت جريت
وفجأة لقيت مفيش غير ليل
سحابة ضلمة كنتي انتي
اشوفك ف الوجع بنتي
واحسك ارضي وسفينتي
وشمس بتملا ليلي شروق
مافيش كام يوم لقيتني بافوق
واشوف القاتل الفعلي
لقيتك أرض ماتضمش سوى المطاريد
وانا عيل بيفتح إيد يشوفك خط على كفه
عنيا عيال اذا بصيتي يتدّفوا
حسبتك أم بتدوّر رحى الأحضان على عيالها
لقيتك ماسكة كاتم صوت
رصاصك فات وجع جواي
وهو ياحلوة يعني الموت
بيفرق شكله كان ازاي
وهو الجرح للستات ومش لينا ؟
ما فيه رجالة بتعيّط
وفيه رجالة بتفكّر ف عز الليل ف ناس باعوا
وفيه راجل اذا فات ف المحيط وجعه مابيساعه
وفيه عناوين بتتلخبط
وفيه بكره بيتشخبط
وفيه أطفال مايتولدوش ف مستقبل ماجاش قدام
وفيه زفة مابتقومشي
وفيه فرحة مابتدومشي
وفيه نغزة ف صميم الروح
ما دام ف القصة فيه دابح
أكيد ف القصة فيه مدبوح
ولو كان القتيل راجل
ف دمه بيبقي مش بالسهل
خسرتي معاه وجود الأهل
خسرتي الضهر والضمه
خسرتي الجمع واللمة
وبكره هتندمي لما
تحسي البرد من دونه
ياريتك شوفتي ف عيونه دموع الأب
أنا الشخص اللي كله ذنوب
لكن مليان حاجات تتحب

معلومات عن اغنية جوابي ده الاخير ليكي يامعاليكي

جوابي ده الاخير ليكي يامعاليكي
مطرب الاغنية :
كلمات الاغنية :
تصنيف الاغنية :

فيديو اغنية جوابي ده الاخير ليكي يامعاليكي

كلمات اغاني عمرو حسن
كلمات قصيدة سبعة مارس عمرو حسن
كلمات قصيدة سبعة مارس عمرو حسن

كلمات قصيدة سبعة مارس عمرو حسن سبعة مارس مع قفل اخر باب وقت اختلاط الأعادي بزمرة الأحباب وانا درجة من سلَّم عَشَم مكسورة بإيدين اكتئاب ما لقتش غيرك وقت الرماح ما اتملكت مني والدنيا كشفت وشها البايخ مانكرش إني قبل ما الجأ لك شديت

كلمات قصيدة انتي نقطة ضعف عمرو حسن
كلمات قصيدة انتي نقطة ضعف عمرو حسن

كلمات قصيدة انتي نقطة ضعف عمرو حسن انتي نقطة ضعف بردو يا فولانه ياغاليه يابنت فولان يا رصيد الافراح والاحزان الناس جايه بتنصحني علشان مفضلش بروحي الخوافه وقالولي انك مش حباني وانك عايشه ف عالم تاني وانك من يومك نسياني وبنا مسافه وقالولي ان

كلمات قصيدة بعد اذن الست عمرو حسن
كلمات قصيدة بعد اذن الست عمرو حسن

كلمات قصيدة بعد اذن الست عمرو حسن بعد اذن الست الليل وسماه ونجومه وقمره قمره وسهره نقط وانا كان فيه كلام مكتوب هنا بس اتمسح ومالوش اثر راح ويا عمري اللي انهدر راح ويا شيء فيا اتكسر الخوف وانا الشوق وانا اللي وسماه ونجومه

كلمات قصيدة كمن احب المتاهة عمرو حسن
كلمات قصيدة كمن احب المتاهة عمرو حسن

كلمات قصيدة كمن احب المتاهة عمرو حسن كمن احب المتاهة في سَديم الذكرى وف ليل قديم بالي هل هدوء الرحلة أم عصف ارتحالي أبدو كَ قطعة أثاث ف مكان عديم الزياره كمن يقضي نهارَه بشكل هزلي ارتجالي أنعي اللي مرّوا عليّا ان لم يمروا

كلمات قصيدة بطلتي توحشيني عمرو حسن
كلمات قصيدة بطلتي توحشيني عمرو حسن

كلمات قصيدة بطلتي توحشيني عمرو حسن في الليل والناس نيام والكل في حاله سارح مر عليا الكلام مسموم وحزين وجارح الست ساعتها غنت ف الراديو لسه فاكر والنحله النايمه طنت لما صحيوا العساكر وعساكري ليل دماغي في خناق هيجيبوا داغي والشوق عمال يلاغي والقلب

كلمات قصيدة منيمم تشارچ عمرو حسن
كلمات قصيدة منيمم تشارچ عمرو حسن

كلمات قصيدة منيمم تشارچ عمرو حسن منيمم تشارچ اتاري الفيلم دي نهايته وانا الأعمى آآمن حيّه من باب انها ناعمة واسلِّم ضهري للخوّنه بسلامة نفس شيطاني الزرع وسايبه ف روحي كاللبلاب انام غافل عن الضربة واشوف إيدها وهي بتمسك الحربه واظنه عتاب اتاري الباب