كلمات قصيدة قلبك وين حسين الاكرف
قلبك وين
تسألني قلبك وين
قلبي يزور احـسين
جايب له دمعة عين تشبه رقية
دربي لا تسأل إلوين
الدروب كلها لحسين
والحنين من يحين
أحجِز أول تذكره ما أقدر افراق
أربعين شوق ومرسال
أربعين والدمع سال
والولاء كربلاء
وطبعي من طبع الزياره أمشي و أشتاق
يمَلَّاك الـمـشاعر يا عشق مكتوب
على هيأت قدر
محد في الدنيه مثلك منذبح مسلوب
مَلَك هاي البشر
ضريحك روح وأنفاس
وكـلـمـا تـكـثـر الـنـاس
جـماله يمطر احساس على العشاق
قـبرك يـبو الأحرار
من معجزاتك صار
كـلمن يزروك زار الله و نبيه
كلشي في كربله غير
الحزن..عايش ابخير
و الأذان كل مكان
يوم عشرين ابصفر يوم الزياره
كـلشي فـي كـربله ايـنوح
وصوته من داخل الروح
واحسين واحسين
من يقوم الساعه يتلگى الحيارى
محرم ما خلص توّه يهِل عاشور
فيْ توقيت الظعن
ترى في كربله حتى الهوا مكسور
او بالخيل انطحن
محرم ثاني يِـبْدي
وحادي ادموعي يحدي
وأنـه قـلبي اعـله خدي تشب ناره
زينـب إجت بالراس
واتنادي يا عــبـاس
وينك يـبـوالاحـساس إنهض إليه
سـيـدي مــو بـيديه
مصرعك يجري بيه
و الجروح وين أروح
ألقى بيساري ويميني صورة اضلوع
أمشي في كربله بوْيل
أي جهة صعدت الخيل
وجم وريد يا شـهـيد
شافته عيني على هالرمضه مقطوع
فيْ كل خطوه أحاسب يمكن ابهالصوب
نزف قلبك دمه
اخاف أمـشـي يبـواليمه عـلى دمعات
جرت من فاطمه
أحس ابكل شبر دم
وأثـر خـاطر تـهشم
اشم نار المخيم وصوت ادموع
فـي كل مكان امصاب
ودمعه عليها احجاب
وكسرة قلب واعتاب ونّه خفيّه
چنه صوت ينزف اجراح
لا خله او لا عدم صاح
امن الضريح چن يصيح
مرحبه بضيوفي كلها و قرة العين
زايري يا هـلا بـيك
كل سنه أسأل اعليك
چم مـلك يدعي لك
وأي كثر الله يحبك زاير احسين
يريتك زايري حاضر وأنه عطشان
و أنه قلبي جمُر
قبل لا يصعد ابرجله على صدري
ويذبحني الشمر
قبل لا زينب اتشوف
أبوفاضل بلا اجفوف
ودم الحسره مذروف من الصوبين
يا خادم الـزوار
اسمك مع الأنصار
يـل دمعتك مدرار أجرك عليّه
كلمات قصيدة استعدي للعزاء حسين الاكرف
