كلمات مهرجان خمسه وخميسه غناء اسلام كايرو و احمد ممدوح مكتوبة كاملة
خمسه وخميسه ماللي راشق العين
حسدونا ياما وعينهم راشقه فينا
مستكترين علينا النعمه اللى ف ايدينا
جواهم غل طافح وعامل غرغرينا
مهما السواد ملاكم احنا ربنا حامينا
خمسه وخميسه كله راشق العين
خمسه وخميسه اروح منكم فين
خمسه وخميسه خمسه لابو وشين
خمسه وخميسه دول عالم جعانين
ليه بتبصو على اللى فجيبنا
مورثناش والله تعبنا
ليه الكل موسع عينه
اللى ادانا فيوم يحاسبنا
مفيش فيلا ولا عربيه
ولا كفيل خدنى السعوديه
انتو ليه النقص ماليكو
ليه شيفنها معايا طريه
قولتو مرتاح وانا متبهدل
مفيش حد فى واقعه يسندل
كله بس معاك عالحلوه
وعالمره يعيش مستهبل
خمسه وخميسه اوعى تحسد لاء
خمسه وخميسه كفايه ار ونق
خمسه وخميسه عينكو دى بترشق
خمسه وخميسه ليه كله مبحلق
الوشوش صفرا وبتخض
والحبايب اختفو مالعرض
واللى باقى بوش واحد
اكتر واحد فيك هيعض
شوفت غل فعينكو انا ليا
مش صحاب دول كلامنجيه
كله عايش ليه بوشين
دول اونطه ومصلحجيه
جوه فى قلبك منى حريقه
سم الغيره وانا معديها
لما تحس النار مسكاكو
كلمونى وانا هطفيها
خمسه وخميسه عينكو فالقه الصخر
خمسه وخميسه دى نشفت البحر
خمسه وخميسه عين اقوى من السحر
خمسه وخميسه جبتولنا الفقر
جبت اخرى انا روحى بتطلع
نبر نق كلام بيقطع
خفو عينكو ياعالم بكسه
ده اللباس قرب يتقطع
بقيت بقرف من مناظركو
حاجه غريبه اوى فى اشكالكو
الحقيقه شايف شياطين
بستعيذ لما ببصلكو
حللو عنا ومتبصوش
شوفو غابه ساكنها وحوش
عيشو فيها تمامكو معاهم
انتو قله متتعشروش
خمسه وخميسه
كلمات مهرجان خمسه وخميسه اسلام كايرو و احمد ممدوح