كلمات مهرجان عصابات عصام صاصا و ابو الانوار

حالتي مية مية و لسة طافي السيجارتين
الواد دة سايح خالص كدا زي الايس كريم
انا و صاصا علي القمة بنسأل انتو فين
حافظين احنا اللعب احنا مقفلين الجيم

المجال ده بتاعي كله
الترند انا مش بحله
انا مش ببعت حاجة لحد
انا اللي بشوفوا علي طول بقوله
احنا محتوى يابني رائج
حصن صعب و سلك شائك
انتو خبطوا في بعض انا ساكت
بس ابقوا استحملوا النتائج

كله يرفع ايده فوق عشان انا و صاصا
جينا كدا و هنخرب المكان
ياسطي بجد نفسي اعرف انتو ممكن
تاخدو كام كدا و تبطلوا كلام علينا
من ساعة ما علينا
وعينكم وعلينا فمابتناموش شاكوش
و جينا لو شوفنا بفتكو هنمد ايدينا
محدش يحوش

الحياه مشهد حزين
عمري كله لقطتين
لقطة حزن و لقطة جرح
حزن من تعب السنين
الدموع صاحبة عنيا
و المآسي حكيتها ليا
ومحدش جنبي انا غير نفسي
فابكلمني انا كل شوية

قاعد بكلم نفسي
من الوحدة انا مضايق
عايزلي دكتور نفسي
بعديها هرجع رايق
بعديها اجيبها جون و الناس تسقف
داخل المكان بفرس ميمو احمد السقا
يا اخويا اهدى بس و قوللي مالك
شكلك مضايق متقولش لا

السي ڤي مليان عذاب
الوجع بعده اكتئاب
فرح خصمي مجاش في مرة
و انا و الضحكة لا مش صحاب
العيون جوها خوف
و اللي مني سانن سيوف
شوفت منكم كل قسوة
نفسي خير منكم اشوف

مشفتش منكم غير قسوة و خيانة
و نفوسكم الوس*خة اللي دايما جعانة
و الناس اللي باصة في الرزق و حسدانا
اللي خانو الامانة دول هلس بأمانة
الناس دي مريضة و النفوس ماليها غل
قولتلكم قبل كدا الفترة الجاية مش هحل
صاحب صاحبي جدع انا مش بقول السر
من كتر الاكشن حاسس اني عايش جوا فيلم

فيلم عمري جراح و شر
فيلم اصعب من الممر
مخي رافض يمشي كويس
حابب طريق الغلط و مصر
قلبي من الصدمات ده مات
مدمن اي مكيفات
ايوا انا سفاح حابب الشر
انا خطر و معايا عصابات