كلمات مهرجان ملوك الجدعنه امين خطاب
مش طايق اخرج م الاوضه
قافل على نفسى ب 100 ترباس
مبقتش بحب اسمع ولا اشوف
ولا حتى متابع الناس
مخنوق علطول فى هموم مسحول
شخص فقدت الاحساس
تليفونى مقفول وساعات مشغول
والكاس بيجر الكاس
انا كاره القرب وعاشق الشرب
عشان بينسينى
دايما متدايق طول مانا فايق
بتدمع عينى
صاحبى اللى انا ياما مسحت دموعو
هونت عليه يبكينى
لو غالى عندكم اقفلو موضوعو
خلصت بينو وبينى
انا شخص مطبق فى سريرو
عندى النفسيه بقت زيرو
المخ مقفل امبيرو
انا ماشى من غير عداد ..
اتلاف فى العقل مكهربنى
انا عينى بقت تستغربنى
طب حد على دماغى يضربنى
دا اليوم عمال يتعاد
بستغرب لما بتتجمعو فى صوركم
ع الايميلات
ازاى دا اللى انا منكم بسمعو
مايقولش ان انتو اخوات
انا منكو معبى وشايل
بسببكو دخلت العنايات
بصراحه تمثيلكم هايل
لأ تستاهلو 3 سقفات
ارقامكو اما بتظهرلى على التليفون
بعمل م الصين
بتجيلى رسايل منكو كتير
و بشوفها وبعمل سين
والله ماتستاهلوش تفضلو فى حياتى
برا ياخاينين
دانا كنت بقول اصحابى واخواتى
تطلعو شلة تعابين
اجدعكم بقا بيمسك رولا
منفوخ ع الفاضى تعبان موله
كسرت وراكم 100 قله
يلا فى داهيه ياناقصين
يابتوع المبدأ والعشره
اندال وطلعتو دهب قشره
بتراهن وابصم بالعشره
انكو عالم واطيين
ابعدو بقا عنى خدولكم جنب
محدش فيكو يتصل
كل اللى اتقال ورا ضهرى
من اللى بياكلو معاكم وصل
شكرا ياخوات دا احلى اسكرينات
منكم خليتنى اتفصل
انا كل صحابى بيعيبو فى غيابى
دانا بتكوى وبتغسل
اصبحت غريب وسطيكو
مبقتش بشوف لوجودى مكان
ريحت دماغى ونسيت اساميكو
اصل انا فى دماغى تعبان
عيبه فى حقكو لما اسلك ليكو
ومشوفش خالص سلكان
ربنا يصلح حالكو ويهديكو
واشوفكو فى اعلى مكان
نيتكو بتشبه قلبكو
ماشيه كمان مع لون شعركو
اصفر مكتوب على وشكو
فى عيونكو غرور وسواد ..
بكشحكو وفايق لكلامكو
مستجهلكم وانا قدامكو
ممنوع تتقارنو مع عمامكو
انتم تمامكو استبعاد
ملوك الجدعنه والمبدأ والسلكان
دول يبقو صحابى
من كتر الضحك خلاص هيجيلى جنان
مش كدا ياخرابى
دكتور ادينى كتافست عشان خلصت
رصيد اعصابى
دانا حتى رجوله عمرى ما ارفست
عشان تغلطو فى غيابى
بنقابل بعض نسلم
بس فى برضو صفار ع الوش
العين من جواها بتتكلم
والأحضان على غش
العيش والملح بتاعكو اتبخر
لأجل الصيط والقرش
والنبى لو قولتو اللى ميتقلش
انا مش هرجع معلش
مواليد برج النسوان انتو
خايبين على كبر اتنسوتو
اتخن واحد فيكم هينتو
فوقتو من الاوهام
انا عندى لسان بس انا ماسكو
لو سيبتو هيتلف احساسكو
قفذتو كلامى على مقاسكو
علشان مفيكمش تمام
سيبتلكو النسبه الغونى م الحسبه
اشبعو بس ابعدو عنى
حبكو ملياسى كان اكبر كذبه
محدش يعمل منى
عاملين جدعان ومفيش منكو
واهو دا اللى بقا مجننى
دا سواد قلبكو بان على وشكو
م الواضح انكو حبنى
كلمات مهرجان ملوك الجدعنه امين خطاب
كلمات مهرجان اللي باعني براحته واللي شالني يا بخته امين خطاب و عبده الصغير 2021
