اجراس الوله
بلقيس
كلمات اغنية اجراس الوله بلقيس
شبت لواهيب شوقه ودقت اجراسه
امن الوله دق شوقي وسط خفّاقي
خلي تفرَّد ما بين العالم و ناسه
ان قال مشتاق شاف الشوق باحداقي
الشوق يلعب بفكري وزاد وسواسه
و انا لي الله زاد الشوق بأعماقي
والقلب مخنوق ما يدرون جلاسه
لو جيت اعبر يضيق الشعر باوراقي
والحب عند المحب ما لان ابد باسه
والورد ما ينكر المعروف للساقي
الله ما أجمل احساسي وإحساسه
دام اعتلى بالغرام المستوى الراقي
الحب لاجله يطيب بطيب نوماسه
هو ذروة العشق..؟ لا.. هو كل عشّاقي
مسموح قلبي إذا بحبه كبر راسه
دامه حبيبي و أول وآخر أشواقي
والعاذل اللي نوى به ينكسر فاسه
لا يمكن انه يحرضني على فراقي
قلبي بدونه يضيع ويعلن افلاسه
هو راس مالي وحبي قمة اذواقي
تفرح به الارض والدرب اللذي داسه
وشلون عيني ما تفرح لحظة عناقي
يا كيف ما اغليه وانفاسي من انفاسه
هو ضي ليلي وهو صبحي واشراقي
قلبه كتب (ميم) وازهر روض كراسه
وانا كتبته في عمري عمري الباقي
ما لي من الناس.. لو هميت حراسه..
ما نلت قلبه ولا تقدمت بسباقي
البحر بحري وساسي فالهوى ساسه
وش دخل الناس انا راضي باغراقي
الله عطاني درر قلبه والماسه
والقلب يطمع واخلاقي هي اخلاقي
كني حبيسٍ عشق فالسجن حباسه
قيّد خفوقي وحرر ايدي وساقي
والشوق مهما عصف واشتد نسناسه
تبقى عروق الوفا لو طاحت اوراقي
والحب له ثار من زيره وجساسه
ما غيره الشوق لي يقدر على ارهاقي
هذا حبيبي ويسلم راسي وراسه
كل يوم يكبر غلاه وتكبر اشواقي