كلمات اغنية احبه اربع مرات مصطفى السوداني
عشك فوك الكلمات وصل للسماوات
احبه اربع مرات وانطيته ولدي
يعدلين وميتين قبل هسه وبعدين
محد يحب حسين بالدنيا كدي
هواي هواي هواي اموت بلا هوه
ضواي ضواي ضواي اضيع بلا ضوه
حبيبي روحي فرحتي نوجي
نهر واجروفه احساس
ابو حياتي اكله اغاتي
ويكلي تاج الراس
المحبه تسوه بنيني فدوه
بما فيهم عباس
اريد يمي اليعادل امي
ويعادل كل الناس
خليت روحي بجسمه
خلصت صوتي باسمه
مو نظره اوله حبيت
حبيته باول خدمه
العشگ مو راحة بال
العشگ مو بس ينكال
وإنه بكل الاحوال
ضليت احبه
احبه وهو اوياي
ومشه وحبيته اهواي
منو كاتب عالماي عالماي اكتبه
دواي دواي دواي من نحيله بلا دوه
ضواي ضواي ضواي اضيع بلا ضوه
مشت ضعونه وره عيونه
عيوني دخلت انذار
انتظاري واجب ولا اعاتب
النبي افهم بالغار
ولا اساله ولا اكله
شيقرر يسمع صار
يريد اروحن يريد اضلن
ابد مو انه اختار
حضرت هدمي ودمعي
بكل حاله جاهز وضعي
ياخذني اخدمه بدربه
ايخليني اتاني وادعي
دعائي شما صليت يرد بيتي للبيت
وراه شكد ناديت ربي يحفظه
تريده اهواي العين اتاني لو سنتين
ترا الحسين حسين محد يعوضه
رجاي رجاي رجاي نرد نكعد سوه
ضواي ضواي ضواي اضيع بلا ضوه
تمرني نسمه الهوه الزمه
عطر ابن الزهرا
بكثر حسرتي بكثر كسرتي
صرت بحسين الحاء
الحياتي منه بعيده عنه
وعشت كل الاجواء
بنيني طاحو ييمه صاحو
رضيتي عنه لو لا
سكته وتصيح عيني يولادي يمكبريني
مو مهم ارضه وازعل المهم هسه حسيني
وكت ماكو للجود اريد حسين يعود
اذا هو مفكود كلشي فكدنه
سكوت وگلبي اصياح احسه ما مرتاح
ابونه وامنه الراح شنهو ولدنه
وراي وراي وراي عفت راعي اللوه
ضواي ضواي ضواي اضيع بلا ضوه
ادوره عطرك واجتني عطرك
اجت زينب مولاي
سوه نسوي عزه ونخلي
اعله عتبة بابك ماي
يجرحي الاول حجتلي مقتل
يبعد الهاي والهاي
بوريده سابح تكلي طايح
شكثر كالتلي هواي
اليغفه اعله صوت الزهره
نامت اسيوف بصدره
عالرمح وايذكرج جان
ايسلم عليج بنحره
اضل ابجي بكل يوم حرام اعليه النوم
حبيبي بلايه اهدوم عالغبره جسمه
وحك الصله ومات لون عمري ساعات
اخلصهن حسرات لو الفظ اسمه
مُناي مُناي مُناي ازوره بنينوه
ضواي ضواي ضواي اضيع بلا ضوه
حلم حياتي بعد مماتي
اشوفك وانت تشوف
يموتي تسمع اريدك اسرع
تجيني وكلشي تعوف
اريد اشمه واريد اكلمه
لون كدامي سيوف
قليله تعبي اعتذر يكلبي
نطيتك بس اجفوف
ما ريدك اتجازيني عن ضيم ذيج سنينين
بس بشهر عاشورك اخدم الك خليني
اوداعتك يبن الكرار ما ريد جنه وانهار
ردت موكب زوار ميته واحبك
واجيك اويه الخدام ازورك في كل عام
البجي يوصل للشام ابجي واندبك
عزاي عزاي عزاي يا ابن القل هوه
ضواي ضواي ضواي اضيع بلا هوه
كلمات اغنية يوجعني كلبي مصطفى السوداني