كلمات اغنية احتواء مولوتوف و مؤمن الديب
علي فكره ابنك ضايع
علي النت و في الشوارع
و بنتك رغم سنها مصاحبه الشباب
هستني ايه انا من جيل
اتربي علي افلام
السبكي و عبده موته و الدين ارهاب
انا في حياتي نمبر 1
مش هذاكر و اعمل زن
و هشتم اي واحد مش داخل دماغي
و رايح العب بابجي
و اروح اقابل انجي
طظ ياعم في درسي و اروح الاغي
و انا لبسي كله ضيق
ايه يعني البس ضيق
اهم حاجه ابقي احلي من صحباتي
ما انا امي لابسه كده
مش بتقوللي عيب كده
ما بشوفش حتي العقاب من اخواتي
الجيل ده و الله مظلوم
في قلبه هم و بالكوم
شاف في حياته حاجات اكبر من سنه
طب قوللي مين قدوته مين
مين هياخده قدوه مين
ماهو هيتأثر بالقذر غضب عنه
طول ما انتوا مش موجودين
في حياته مختفيين
و بس الفلوس اللي شاغله بالكم
التربيه و الاحتواء
هم اساس الاخلاق
و يارب من جوه قلبي يحفظ ولادكم
التربيه و الاحتواء
هم اساس الاخلاق
و يارب من جوه قلبي يحفظ ولادكم
كلمات احتواء مولوتوف و مؤمن الديب
كلمات اغنية طفره سادات و مولوتوف
