اخر دوا كلمات
ماكني الا عليلٍ قارصه حيه
لاقربوا الزاد عيت تقبله روحي
آخر دوا للمفارق بالهوا كية
ماعاد لي طب يشفيني من جروحي
لي علةٍ بالصدر ماهي بمخفيه
ازريت انا اخفي وجعها و أكتمه بوحي
الحل عندك وتدري ماهو بيديه
مالي مع الناس لا سجه ولا مزوحي
عودّ ترى الليل عقبك ما لفى ضيه
من غاب نورك وانا متوسدٍ لوحي
كنت لنهاري دفاه وشمسه وفيه
حبٍ من الله ماارجي فيه مصلوحي
شبيت ناري ونارك بالحشا حيه
واللي يصالي لهيب الحب مفضوحي
ياذيك الايام عندي ماهي منسيه
آون لا جات على هالبال وآنوحي
دروبي الي ورا العارض وانا هنيّه
توحي بلا الشوق ولا منت له توحي