![كلمات اغنية اقبل بها مشتريها ماستعرناها جفران بن هضبان](https://elteeta.com/wp-content/uploads/2023/11/aqbal-biha-mushtariha-mastaearnaha-jufran-bn-eadban-.webp)
كلمات اغنية اقبل بها مشتريها ماستعرناها جفران بن هضبان
ياحي عزوة راع العرفاء وطرياها
والغاره اللي على اهل الشقح ناويها
حرٍ رعب مالكين الشقح ماجاها
واستبشرت حرب دانيها وقاصيها
جاته بيوت القصيد تسابق غناها
انقادت العوب فيه الله يحييها
عوبٍ اليا اطريت ربعي جابت اقصاها
تعتز في حاظر العزوه وماضيها
تنقاد بالكفو قيفاني ويشعاها
واليوم مرزوق واخوانه ملافيها
صعب المراكز ترا ما انته واياها
ياللي سواة الجميلي ماتسويها
الحربي اللي قبيلة حرب كفاها
بالفعل قبل العلوم وقبل طاريها
يثني ورا الندر الصعبه وينقاها
منقيته من صدور الطرش ناقيها
اقبل بها مشتريها ماستعرناها
يرخي لها الشيك لين انه يجي فيها
خلا راع الناقه اللي ماتعداها
عقب الغلاء راح ماكانه ايدانيها
مايشتري كود شقحاً من مزاياها
تقول ترفع نظرها يم باريها
شقحٍ لو الشعر ياصفها وصفناها
لاكن تحيرت فيها كيف احليها
شقحٍ لها ليحةٍ بالزين ما احلاها
تبارك الله على العرفا وناقيها
والبل تزين بيوت الشعر وحداها
ياماحلا البل وياما احلا تحديها
هي روس الاموال جعل المال يفداها
تستاهل اللي يحذفه عند رجليها
في ماضي. الوقت ماتحصى ضحاياها
كم فارسٍ طاح ميت في مفاليها
والعزوه اللي تنومس من تعزواها
ماهي خفيه اليا حظرت عزاويها
اليا بغا من تناسا حرب ينساها
يبشر له بوقفةٍ ماهو بناسيها
واليا حضرنا لنا غاية وصلناها
واهل التحدي نعيفها تحديها
ياما دحمنا على الفوزه واخذناها
من شان رمزٍ نحبه مانخليها
نخلف مراكز هل الاذواد واسماها
واكيد بعض الاسامي مانت لاقيها
من خلقة البل وهي نوماس ومباها
نشوش معها ونكره من يعاديها
حنا بدولة ملوك العدل وحماها
الله يعز السعوديه ويحميها
نعتز في رايةٍ خضراء رفعناها
والفتنه الله يلعن من يصحيها
ومفسرين البيوت بغير معناها
على بيوتي عسى الله مايقويها
كلمات اغنية الشيخ الوزاري جفران بن هضبان