اقولك ايه
انغام
كلمات اغنية اقولك ايه انغام
اقولك ايه واقولك ليه
انا اللي انا فيه ملوش تفسير
تعبت خلاص من الايام
من الاوهام من التفكير
يا صورة لحد كان بالنسبة ليا حياة
يا حضن الشوك ماليه
ومش قادرة اعيش براه
يا ذنب وصعب اتوب عنه
يا وهم ومش بفوق منه
يا ريت ايامي يستنوا عشان انساك
يا سكة ومش بغيرها
يا غلطة مصرة اكررها
ورغم ده كله مش كارهة
اني ابقى معاك
فيه جرح كبير سنين مفتوح
ومش بيروح وملهوش صوت
وجرح الروح عذابه عذاب
ولو يتساب نهايته الموت
يا سجن بنيته بايديا بيبانه جراح
عشان ما اخرجش منه اديتلك المفتاح
يا روحي اللي بعذبها نهايتي اللي بقربها
يا قهوة مرة بشربها بطعم الخوف
وحبة بحبة انا بفضى
لا انا قابلاك ولا رافضة
ومش شايفة لصبري عليك
سبب معروف