كلمات اغنية البعيد هناك تهاني السلطان

انا في كف نسياني يقلبني الزمن وياك
واخاف بيوم لا اتعوّد والاقيني مع النسيان
انا ماقدر على الدنيا اذا مرت كذا بلياك
وانا فيني الشعور اكبر من الخيبات والخذلان
احس بغصة غيابك وانا عندي امل القاك
قبل لا تذبل الرغبه ويكسر بُعدك الاغصان

احبك والكلام اللي بصدري ماعتقد يخفاك
سجين بسجن من لهفه ولا غيرك احد سجان
تعال ارجوك وديني بيدينك للبعيد هناك
غريب وماعرفت القى بدونك للاسف اوطان
مشتت كل تفكيري وقلبي ماقوى ينساك
ومن مثله قدر ينسى وهو غارق من الاحزان
ابيك اقرب علي مني ابي طول العمر وياك
تكون بنظري جنه وجنتي شكل انسان