كلمات اغنية الدروس المستفادة صلاح سمره 2021
كان وكنا وهما كانوا
بس ظهروا خلاص وبانوا
لما باعوا ولما خانوا
لما نسيوا مقدروش
كانوا رهن إشاره منى
لما كانوا بيخدوا منى
فجأة غابوا وبعدوا عنى
حتى فيا مفكروش
يالا يمشوا ومش هممنى
إللى باعنى ده مش لازمنى
كان عنيه ع إللى ف اديا
كان فى رزقى بيقاسمنى
ظنى خاب و البخت مال
والصحاب طلعوم شمال
بس رب الكون معايا
هبقى فل وهبقى عال
حبه حبه حبه حبه
كله منى هيستخبى
وإللى باع العشره بكره
ييجى يندم ع المحبه
والدروس المستفاده
متجاملش الناس زياده
ده اللئيم تديله مره
يفتكرها ياصاحبى عاده
ناس تبان صافيه وبريئه
ويبعوك عادى فى دقيقه
يبقوا جنبك فى المصالح
ويسبوك مع أى ضيقه
ناس طمعها خلاص عماها
دايسه ع إللى وقف معاها
مهما تدى ومهما تعمل
مش هتسلم من أذاها
كلمات اغنية الدروس المستفادة غناء صلاح سمره مكتوبة كاملة