كلمات اغنية السعودية العظمى ماجد الرسلاني
سلام يا دار الكرام
تستاهلين اغلا مقام
يا نجد يا دار الملوك
يالدوله العظمى سلام
يا نجد قومي والفحي
لك مجد ماهو منمحي
غنّي لهل العوجا فخر
يالدوله العطمى سلام
سلمان يمناه الحزم
سيفه محمد والعزم
في حنكته وبرؤيته
يالدوله العظمى سلام
ختم مفاهيم الوفا
وبالمجد ما يوم إكتفى
حلمه لهامات النجوم
يالدوله العظمى سلام
هذا السعودي لاحتمت
نفسه من العليا سمت
أرضه منارات الهدى
يالدوله العظمى سلام
يا قبلة ٍ للمسلمين
يا موطن النور المبين
أنتي سعودية وفا
يالدوله العظمى سلام
الشعب لعيونك يقول
والله فلا احد ٍ لك يطول
من دونك الاجرب وانا
يالدوله العظمى سلام
لا رفرف لعزّك علم
من لاذ بحمانا سلم
ما يلحقه ضيم الزمان
يالدوله العظمى سلام
راياتنا دايم سما
نزمي اذا العايل زما
ونوّرده ذل وقهر
يالدوله العظمى سلام
المعتدي عنك يخسا
فيها نذكّر من نسا
حنّا هل السيف الحدب
يالدوله العظمى سلام
للضيف نصدح مرحبا
واللّي نوى شرّ يهبا
نستصغر الموت الحمر
يالدوله العظمى سلام
من يستفز ّ المملكة
ما ذاق غير التهلكة
عاداتنا دقّ الخشوم
يالدوله العطمى سلام
الموت لاجلك به هلا
شجاعه ووعزم وولا
نضحك له وحنّا نقول
يالدوله العظمى سلام
أرضك منابت للرجال
اللي يهدّون الجبال
أحفاد لاصحاب الرسول
يالدوله العظمى سلام
للعزّ يا شمس الشموس
ترخص لك عزاز النفوس
والله فلا دونك عذر
يالدوله العظمى سلام
غلاك يا أعظم بلد
موروث من جدّ لـ ولد
إرقي على متن السحاب
يالدوله العظمى سلام
كلمات اغنية السعودية العظمى ماجد الرسلاني