كلمات اغنية العزيزة حميدة مصطفى السوداني
لو شفتي بالسبايه يتيمه وحيده
يا طوعه هذي بنتي العزيزه حميده
توصل يمج ادري دليهه اعله كبري
طوعه هذي اوصيتي
باجر اسكن تحت اتراب
حتى لا تنسيهه كتبيهه بأيدج عالباب
طوعه اسمعيني واحفظي هالكلام
من يجن للكوفه وردات الامام
اكو ورده تختلف عن الورود
واكف لوحدهه من حرك الخيام
لو شافتج اكيده تسالج منو انتي
يمج ابقي رايح يطوعه سبحتي
بنتي اتعرفه عطري
دليهه اعله كبري
ابنيتي ونور عيوني
ما شبعت من عندي احضان
احجي الهه اجروحي
ابابج من واكف عطشان
اشكرج ما انسه فضلج لو حجيج
وما شربت الماي كله من اديج
الجايه من كربله عطشانه اكيد
انه بقيت لحميده من تجيج
ذبلانه من تعبهه وسبيهه ويتمهه
من كبري امدن ايدي اريدن واضمهه
ميت عيني تجري دليهه اعله كبري
احجي الهه اعذاري
ادري تعاتب ما رديت
مسلم ضربه براسه
بسوك الكوفه انجر ضليت
احجيليهه من شمروا شعلات نار
انباع دمي وما الي بالكوفه دار
بنتي عدله تنضرب بالسوط اكيد
انه ميت وانضرب راح بحجار
الشتّم علي يطوعه وجرحني بكلامه
يشتمني ادري باجر يسمع اليتامه
الله يعينه صبري دليهه اعله گبري
طوعه ابنيتي ازغيره
ودرب الكوفه ايتعب حيل
رايد يمج تبقه ترتاح امن ايجيهه الليل
كعديهه بالمكان البي بقيت
وخلهه تدعي بالمكان البي دعيت
وابد لا تحجيلهه دمعي يطيح
تنكسر ادري اذا تدري بجيت
لو شفتي لونه احمر ينازع وردهه
سطرة شمر يطوعه بعدهه اعله خدهه
ريته ايردلي عمري دليهه اعله كبري
اخر شي يا طوعه تودعيهه وتطلع للشام
دوري عليهم ولدي ما تلكين اثنين ايتام
ولدي ما تلكينهم وي الزغار
شردو بطف بكربلا بذاك النهار
الزمن ضيع عيلتي قطره بفرات
امنيتي ننجمع لو بالمزار
كلهه بعيد عني الحبايب يطوعه
والما لكه اليحضنه تحضنه دموعه
الله يعظم اجري دليهه اعله كبري
كلمات اغنية احبه اربع مرات مصطفى السوداني