كلمات الغزل
حطي نفسك مطرحي
الغزل في جمال عنيكى بند يومى
والكلام عنك دوا بيداوى المى
الوقوف قدام عنيكى بجد متعه
اللى شايفه قصادى محتاج رد علمى
انتى مجتيش ف القاموس
ولا ف القصص ولا ف الغناوى
عملو ف جمالك بحوث
واماغلبو طلعو على دار الفتاوى
اللى قال دى سلاله نادره
واللى قال دى حوريه وش
واللى قال الله اعلم
واللى قال دى متتوصفش
انتى ايه ماتوضحي
طب لاغيني ولمحي
ضحكتك فوق استيعابي
حطي نفسك مطرحي
انتى حقيقى ولا انا بحلم
ولا حكايتك ايه
اللى انا شايفه قصادى لايمكن
اى كلام يحكيه
جايه م الكوكب بتاعنا
ولا من كوكب مجاور
انتي روح وجمال ومعني
انتي طلباتك اوامر
كلمات اغنية رمز الامان كريم حراجى