كلمات اغنية الف مبروك زياد الدساس
الف مبروك
كله كان كلام متفبرك و انا صدقتك فـ استحق
اني ابقى شايفك جمبه و هو جمبك امثِل اني فرحت
مبروك يا حلوه و دي نقطه ليكي و احلى غنوه
و اي خدمه اديني معيبتش فيكي بـ كلمه
افرحي إوعي تعيطي هتكوني في مطرحي
لما تتطلقي عشان خانك و لوحدك تتمطوحي
و انا مش بفوّل بكره جرحي هيتعادلك من الاول
مش مستحمل بكره لما اموت هتجيلي جنازتي تولول
يا لهوي بقيت لوحدي و ايش اسوّي
بكره هشوف عينيكي بتبكي و من نغزات قلبي بتتلوّي
قولتيلي مش عايزاك و انا كنت دايماً اعوزك
شوفت فرحتك في عيونك سقفولك انتي و جوزك
كنتي تمّلي تمِلي مني و كله قاللي بكره تسيبني
و زعلي مش فارقلي كنتي روحي و بتفارقني
سلاح حبيبي في وشي اتعمّر افتحوا التوابيت
فجّرت قلبي بـ ديناميت و سمعت فجأة صوت زغاريط
اوقات انا كنت اقول محتاجك ملقاكيش
و اقول هعيش من بعدك و اهي ايامي مبتعديش
ازاي قسمه و نصيب قلبك يسيب ميودعنيش
كنت بحلف بيكي و انتي دعيتي عليا و مدعيتيليش
اوعوا تقولولها انها وحشتني سيبوها تعيش مبسوطه
بما اني كنت ابوها فـ ياريت بعدي تفرحوها
قولولها ده عمره و قدره كان بيحب في ناس و غدروا
لو قالولك مات قولي انا نسيته و اهو ربنا افتكره
قلبي كان بيتك زمان لكن قولتيلي هغادره
قلبك اللي ياما فرحته بيفاجئني بـ غدره
عمري راح هدر قلبك غدر حزني انتصر
فرحي احتضر
قلبي إتكسر و عادي قولي قضاء و قدر
ده نصيبي يا بنت الناس عملت كرامتي مداس
متمثليش ما قلبك ياما عليا داس
قلبي اتقطّع حبك عشش و برطّع
و في قلبي مستربّع لكن لازم بيه اتبرّع
كنت عارف انك رايحه زي ما كل احلامي بتروح اكيد
بس اللي يقهر كنتي انتي حلمي الوحيد
اتهني معاه فلوس و هيحقق و اتمني
لما انا حبيتك قللت من قيمتي و رخصت في تمني
الساعه 12:00 اتأخرتي يا سندريلا
سيبتيني و روحتي للي معاه عربيه و ڤيلا
احلامي كانت في العلالي و وقعوها بـ نبله
اللي كانت هتبقى مراتي غيري بيلبسها الدبله
اشوف وشك بخير و مش هتمنالك اذيه
متخافش هفضل عند وعدي و اسمّي ابني بـ اسمك
لما لقيت المصباح اتمنيتك اول امنيه
الجِني ضحكلي و قاللي مقدرش اخليها تحبك
حبيت عقربه مشاعري من الركنه متربه
السلطان رفضني فـ انا و ياسمين هنهرب من اغربه
بالرغم انك فاهمه في اصول مقولتيش حتى ماشيه
قلبي اتقبض مع صوت المأذون اعلنكما زوجاً و زوجه
بالرغم ان انا نحست وقت ما حَضنك اتفرست
حبك قطر و اتهرست وكسه و اتوكست
انسى ازاي ده بس هقسى عـ اللي قلبي بيها حس
كل ما احِب حد يروح لغيري ازاي ده كله نحس
ألف لا بأس الدبله عامله شغل صدّريها اكتر
حبيتيه عشان فلوس و هو حَب جمال و منظر
من جوه شوفها وحشه مهما تبان نعومة صوتها
من جوه شوفها دي حيّه بتتدارى في كسوفها
جميلة الزفاف ياما قلبي منها خاف
انا قدام احزان بتخان انا مش ضعيف شفاف
كنت معزوم مش متشاف
كنت محروم من حب كـ اعتكاف
كان حبك حرب استنذاف اعدام لا يوجد استئناف
كله كدب اثبت مش بحبه كذبت
حرب خلصت كسبت شافت الفلوس بصتله و شبطت
و اديها فرحت و انا فرحانلها باركولها
و حياة عيني اللي بكولها هتيجي و ابكي عيونها
اهلاً مجنونها رساله حزينه و كان مضمونها
حلف بـ حياتها انه عاش تمام بدونها
و الحلفان كان كدب ازاي يحلف بـ حياتها و هو كارهها
عرفنا طبعاً كان كداب ولا عاش بخير من غيرها
بس بارك و مشي شافت بعده العز و الشفتشي
مقالتش وحشتني ازاي قلبك بالفلوس يترشي
قال يارب لو كان فيها الخير كنت اديتهاني
و في اخر الرساله دمعتين واطيب التهاني
كلمات اغنية البقاء لله زياد الدساس
