كلمات الولاء المطلق
على منبر الادب وقفت بشموخ وثقه واصرار
و قطفت من النوادر ما ندر في نادر ازمانه
فلاحيٍ من افعاله كفوف الذاريات تغار
ومتن الحاملات الوقر من هيبته وامزانه
كرم جوده نهياني وبشته ريف للخطار
مثل علم الحيا ذكره ليا من هل ودانه
زرع بذرة سلام تعانقت في ظلها الاقطار
يظلل غصنها وعروقها بالطيب رويانه
بحكمة قايد زمام السلام يعيش الاستقرار
حمام الغاف طار وللتسامح فل جنحانه
واذا منا فتحنا للسياسه باب من الاسرار
نقفل في وجيه المعتدي والشر بيبانه
واذا دقت طبول الحرب وقفاته تعز الجار
وابو خالد ليا منه اعتزى ناقف على شانه
عطيناه الولا المطلق ونتزاحم لـخط النار
عجب عينه ليا شب الفتيل وثار دخانه
ابد ما ينولد فينا جبان ونعسف الاخطار
نعقر الرجل منا لو يكص ببندق اخوانه
نرد العلم طيب وان وردنا ما يبات الثار
نموت بفخر واعلام الوطن للجندي اكفانه
يا بو خالد فداك ارواحنا ونسوم لك الاعمار
واذا منه انفطم منا ولد شبحه لشيبانه
على مركاك ودلال الفخر تنساق للحضار
يقندها شموخك والوطن ماهز فنيانه
اغنية الولاء المطلق محمد البريكي
كلمات اغنية تعال محمد البريكي