انا مصمم

كلمات اغنية انا مصمم بهاء سلطان

أنا زعلتك في حاجة طب إيه يا حبيبي هي
بتداري عينك ليه لما بتيجي في عينيا
وحكايتك بس إيه فيك حاجة مش عادية
قول لي يا حبيبي حاجة متصعبهاش عليا

انا مصمم مش ماشي قبل ما تتكلم
مقدرش أسيبك تتألم ساكت يا حبيبي ليه

أنا ضايقتك طب قلت حاجة ما تتقالش
مش ماشي ولا سايبك تمشي
قبل أما أفهم في إيه

قول لي حبيبي بصراحة
ومشاعرك ليا سيبها
الدمعة اللي في عيونك
عرفني إيه سببها
عينك في عينيا لكن
حاسس بمسافة بينا
في حاجات غالية علينا
بتضيع يا حبيبي منا

عايز تعاتبني عاتب
طب ليه عمال تفكر
ما هو ده الوقت المناسب
قبل الأحزان ما تكبر
يا حبيبي سايبني ليه
عايش في الحيرة ديا
وإن كانت غلطة مني
يبقى حقك عليا

أنا مصمم مش ماشي قبل ما تتكلم
مقدرش أسيبك تتألم
ساكت يا حبيبي ليه
أنا ضايقتك طب قلت حاجة ما تتقالش
مش ماشي ولا سايبك تمشي
قبل أما أفهم في إيه