كلمات اغنية اه لو ربنا اداني محمد سلطان
لو الزمان يتعدل والدنيا تتظبط
والفرح لو بالغلط علي بابي يوم خبط
دانا كنت هاعمل فرح وأعزم فيه كل الناس
وأمسك بايدي وسناني في الحظ واتشعبط
لو ربنا اداني
هقف مع جيراني واساعد المحتاج
هامد له ايدييا ايد ذاد وايد مايه
لو حتي هامشي بلاد
هعمل بأصلي مع اللي يوم احتاجتله
موقفش جنبي في وقت شده لجأتله
مش هنسي اصلي واصلي ديما احنله
ابن الأصول ولا مال قارون بيحووله
هقف ديما مع صحابي لكل الناس فاتح بابي
في وقت حضروي وغيابي مردش حد عنده سؤال
هقف مع ناسي واستجدع هكون ويا الاصيل اجدع
وصاحبي اللي ماهوش مجدع هكون جنبه في ضيق الحال
هرد القسوه حنييه وهنسي اللي اتعمل فيه
في ناس داست اوي عليا انا مسامح لوجه الله
انا ابن اصول ومتربي وباكل لقمتي بتعبي
ميعلاش كعب علي كعبي مذلش نفسي غير لله
لو ربنا اداني
اه يا زمان العبر لو تتعدل علي كبر
والدنيا تضحكلي الحق اعيشلي يومين
عايش بقالي سنين بداري في مشاكلي
اه يا زمان العبر لو تتعدل علي كبر
والدنيا تضحكلي الحق اعيشلي يومين
عايش بقالي سنين بداري في مشاكلي
واقف تملي مع اللي مني وبسنده
عمري ما ابص في رزق حد ولا احسده
راضي بقليلي والحرام انا برفضه
واللي بيشكر ربنا في يوم يسعده
برغم الشده والضيقه ايديا نضيفه وبريئه
راضي بحالي ودي حقيقه وعارف أنه فرجه قريب
شهامتي وسيرتي سبقاني وعزة نفسي عمواني
ولو يوم ربنا اداني هقف جنب قريب وغريب
هاروح للندل علي بابه في وسط قرايبه وصحابه
واقوله الكل لو سابوه انا ضهرك ولسه اصيل
واقف علي وضعي وأساسي وعمري ما انحنت راسي
مفصل توب علي مقاسي جبل واقف وعمري ما اميل
لو ربنا اداني
هقف مع جيراني واساعد المحتاج
هامد له ايدييا ايد ذاد وايد مايه
لو حتي هامشي بلاد
كلمات اه لو ربنا اداني محمد سلطان
كلمات اغنية اخويا الصعيدي محمد سلطان
