كلمات اغنية باب الفخر – درع المري و جزاع المري
الحق نوره مثل نور الشمس جلاي الظلام
والشمس لايمكن ظلام الليل يحجب نورها
وانا هجوسي كل ماطلقت الخيال ابحر وهام
يقدر يكون هندسه برموزها وكسورها
واللي يفكر كيف يملا بطنه الما والطعام
خله يفكر في طلب عمي العيون وعورها
صدق رسول الله تعالى فالحديث من الف عام
عن السنين اللي عسى ربي يكافي جورها
نطق رويبضة العرب ثم صدقوه ابنا الحرام
وكذب حكيم كان الامه منه تاخذ شورها
شفنا وعفنا يامروجه السوالف والكلام
وسايل الاعلام جا ناس تقوم بدورها
فكر التطرف يدعمونه بالشذوذ والانقسام
قوم هاذي حريه الانسان في منظورها
وكان استمرو فالجهل قلنا على الدين السلام
بكره يبون يخونون السنه وجمهورها
قومو لهم قومه صلاح الدين يوم اذن واقام
ومقدسات المسلمين ارتدها بحضورها
نشر الوعي والتضحيات اهم من ضبط النظام
لو الدول قامت ضوابطها على دستورها
ام الكباير لو تسبب بالفتن بين الانام
نرمي لها عظم يجي بالعرض في حنجورها
ياويلكم ويلاه ياللي في دواير الاتهام
عدوا السنه بليالها وايامها وشهورها
لو كان صحتوا مالكم منا مفر ولا أنهزام
مطاولتكم علة ٍ تصعب على دكتورها
حنا ألتزمنا الصمت ماحنا عن الواقع نيام
وجينا الخلايا الفاسدة نجتثها بجذورها
على العموم أنطلقت الرحله قبل مسك الختام
واعرب عن رضاي بمسيرتها وحسن امورها
أنفك باب الفخر معطيه كل الاهتمام
لو دونه بحور الاراض السبع خضت بحورها
لكن ليا فاخرت فاخرت بمعرفه و أحترام
ولا ظلمت أزكى النفوس ولا جرحت شعورها
راسي يفور من الحميا مع بني مره ويام
قبايل يعرف وفاها والقدر فصدورها
سرعة كرمنا تخلج الخلفه لمردوم السنام
لين المطيه فوق مبركها تدق بزورها
ان قام شاعرنا يقوم الصف معه الى الامام
وان قام فاررسنا له السربه تحشد سبورها
سيوفنا دايم تحصد الروس في يوم الصرام
وخيولنا عند اللقا تعطي الحفيف نحورها
شواهد قبور اخصمانا بالجماجم والعظام
كم شيخ قوم فارق خطام الذلول وكورها
نهوي ليا من ولع البارود ثم ثار العسام
مثل الصقور اللي على شم الجبال وكورها
لـ أفعالنا العذرا تهل القرن وتدق الوشام
وتحني الكفين بالحنا وتكحل حورها
قوم لنا التاريخ يشهد كل ماشتد الخصام
حييننا تحيي فعول امواتنا فقبورها
لولا الفعل ماكان حامينا على سود الجهام
اللي محاضين معامقها وطيب سرورها
غرس لنا مانزرعه في بور ولا في وخام
دايم على ساقي قراح الماء نغرس بذورها
موروثنا الحاضر واصالتنا على قدر ومقام
واكبر مصالحنا ليا فلت على مقهورها
وان باشر الوسمي حماد الارض من غر الغمام
كم ديره تسهج خباريها ونبت قفورها
وان جا الدهر نرخص لها دم القلوب ولانلام
من برنا فيها تعصب بالعدال ظهورها
كلمات اغنية باب الفخر درع المري و جزاع المري
كلمات اغنية البخيت السنافي جزاع المري
