كلمات اغنية بكل جدارة زياد الدساس
بكل جدارة
اتغربت معاكي و كنتي بلادي حزنت و ادي
من الساعه دي قلبي راح في وادي و جسمي راح في وادي
غابوا عني عشان ملّين بـ دموعي في كاسات ماليين
قسيت و قولت عمري ما آلين نغزات بـ مئات الملايين
الحُزن و انا سوا تمّين سنه طب مين سند
نازلين حسد كل صاحب دلدل للحريم و عبد
خلوني وحيد للابد سابوني حزين بلا سبب
كنت انا الوحيد الجدع وقت ما كله وطّى اتركب
ههه ده هبل هما دول يستاهلوا زعل
محدش قاله انا ايه قبل ما يعرفني ياريت كان سأل
لو كنت مربي كلب كان كل اللي عملته طمر
خليتني مثِقش في حد بجد كل الدعم يا قمر
امر بالستر ندر هبكيكي ظهر و فجر
قلبي ابن الكلب ده لو حن هروح اعمله بتر
قلبي ميت من زمان فـ مش فارق معاه القتل
و ان جيت للحق انا اتخدعت و خانني الشكل
نسيانك سهل ياللي كله كَل في جسمك اكل
هتفضلوا جمبي ازاي قولولي ادوني اماره
اصل النفس الامّاره بالسوء خليتني اسوق دنيتي بـ سجاره
احنا في مصر يا باشا بلد ضايعه و ليها حضاره
في الهموم انا في الصداره كرهت حياتي بكل جداره
تخرج من دارك يتقل مقدارك خدوا قلوبنا تجاره
حزني شارع عمومي فرحي يادوبك حاره
سألوني ايه اخبارك رديت خربانه
اصلي اتعلقت بـ ناس دمروا حياتي بكل جداره
مبطلتش منوم انا اصلاً بطلت انام
كل الاعجاب انا اتكسرلي سِنه طلعلي ناب
فراقك درس و اتعلمت اصون نفسي و اعززها
عندي عِزة نفس و لو روحي في ايدك مبقتش عايزها
و دي الشبحنه يا شبح قلبي متسماش عليه و اتدبح
كلبه و ديلك عمره ما هيتعدل مهما صوتي اتنبح
بياع رخاص بالاختصاص بيعتكوا خلاص
شوفت القصاص على جثث اعدائي بقيت رقاص
هبعد و هو كذلك رشقولي في قلبي كزالك
بقدم فن و اللي اتشهروا فنانين تكاتك
و انا جامد و ساند ناس لكن محتاج عكاز
نافقوا بعض عشان شواذ اما انا فـ انا في الاحزان استاذ
قلبي ازاز متكسر متقربش احسن تتعور
موقفش جمبي عشان يسندني كان عايز نتصور
معادش في قلبي حته سليمه كله خلاص اتدغدغ
مخدتش درس في مدرسة الحياه عشان بزوّغ
سكاكين الدنيا كانت بتقطع فيا و مش بتزغزغ
هتفضلوا جمبي ازاي قولولي ادوني اماره
اصل النفس الامّاره بالسوء خليتني اسوق دنيتي بـ سجاره
احنا في مصر يا باشا بلد ضايعه و ليها حضاره
في الهموم انا في الصداره كرهت حياتي بكل جداره
تخرج من دارك يتقل مقدارك خدوا قلوبنا تجاره
حزني شارع عمومي فرحي يادوبك حاره
سألوني ايه اخبارك رديت خربانه
اصلي اتعلقت بـ ناس دمروا حياتي بكل جداره
كلمات اغنية ارقص يا معلم زياد الدساس
