كلمات اغنية بنت بدوي نمر الجذع
الله من قلب(ن) شكى من جروحه
بديت احس انه من الجوف منزوع
الصدر زايد فيه همه وبوحه
هجوس شعري صار ب راس موضوع
انصح مع العالم ولا هي نصوحه
لون قلبي من معاليقه يفوع
هي ملهمة شعري وقلبه وروحه
الي غلاها داخل القلب مطبوع
الخد كنه برق با الغرب لوحه
فيّض على ديره بها الذود ونجوع
بنت بدوي شوفة نياقه طموحه
ومشايعه ذوده مع الصبح مسموع
مكسبه من قصر المفاخر صروحه
وهي تتبعه خوفٍ من البرد والجوع
تتبع هوا شفّه وتبعّد بشوحه
من غرب عرنان الجبل راحت قطوع
تارد بها عد(ن) قليل الملوحه
قدام لا يحطونه اليوم مشروع
ديرة هل الي ب الملاقى نطووحه
جعافره الصعب يخضع لها طوع
و ازوح قلبي من سبايـبه زوحه
زوحة عديمٍ قدمه اخصام وجموع
دارت رحاها والمنايا ذبوحه
حتى تساوت حبة الخشم والكوع
روحي فدا خده وعينه وروحه
يمشي بي بكيفه بنزلات وطلوع
ما ينعرف جديته من مزوحه
ان قلت كامل عقل وان قلت دلوع
غامض سلوبه مايداني وضوحه
تخطي وتاخذ حق ماهو ب مشروع
وقلبي الي زايد اليوم فوحه
ضيف الهوى حزنن تبناه ب دموع
جتني تهل الدمع تبغى السموحه
** لا تحدني في درب مقفل ومقطوع
غنيتها من عقب جيه وروحه
بعد اعلن غيابه وانا عنه ممنوع
كلمات اغنية يامل قلب نمر الجذع
