بيكلموني

كلمات اغنية بيكلموني رامي جمال

بيطمنوني
الناس عليه بيكلموني
أخباره لسه بيوصلوني
من قلبي ببعتله السلام

وبيسألوني
أيامه لسه بيوحشوني
بالغالي لما يحلفوني
انا ببقى متطمن أوام

بيصبروني
كام صورة لينا يعوضوني
عن طول غيابه عن عيوني
مبقتش متحمل حرام

وف بالى كلام
جوايا بشيله ونفسي أحكيله ونرجع زي زمان
انا عيشت أدعيله ولسه باقيله بجد ف قلبي مكان
معرفش ظروفه ولما هشوفه اللهفة عليا تبان

شاهدة الأيام
وسنين إخلاصي دي على أحساسي
وعمره عليا ما هان
مانسيتش دقيقة ب أي طريقة
ونفسي أرجعله عشان
حنيت ف غيابه وقلبي اهو سابه
ماحسش أي أمان

بيأكدولي
عني إن سألهم هايقولولي
طول بعده انا عايش ب طولي
والأسم اهو عايش والسلام
وبيوعدوني
وانا نفسي بس يريحوني
وفي مرة صوته يسمعوني
و أهم حاجة يكون تمام