تاج راس القصايد

كلمات اغنية تاج راس القصايد راشد الماجد

سلام يا رمز الشيوخ الصناديد
طحنون بن زايد وسيع البنايد
بحر الندى المنعوت عَذب المواريد
اللي على نبعه زحام الورايد
كفّه سحابه لى روى غيثها البِيد
تعشِب ويثمِر نَخْلَها ويْتمايد
وان جات للشِدّات طحنون صنديد
صمام امان الأمن في دار زايد

شُوره سديد مْحنّك وشَبْحِه بعيد
وله موقفٍ شامخ نهار الشدايد
المجد له ماهو بحاجه لتمجيد
نايد وانا عدّيت في راس نايد
يوم امدحه للمدح شاهد وتأييد
هذا سليل اهل الفعول الفرايد
لْه الولا واجب وأكّدْه تأكيد
ويبقى سموّه تاج راس القصايد