كلمات اغنية ترليون اسعد البطحري
ترليون
بـيـني وَمـا بـيــن الـجـزال الـفـرايـد
مِـثْـل الـذي ما بـيـن لـيـلىَ ومجـنون
أرقـا بـهـا ما نْــزِل بـهـا فـ الـوهـايـد
أبْـصر بها عْـيون ٍ وأَعمي بها عْيون
مـتـفـرعـة بـنـت الـتـجـارب قـصـايـد
مـتـسـنّـمـه مـن كُـل مـعـنىَ وموزون
إلّا عـلـى مـحـرابهـا يـا الـمُـحـايد
يـا كـون وَالّاَ وْربّ الاكـوان مـا كون
يَـمّـمْـتـهـا شَطْـر الْـوسـيـع الـبـنـايـد
يَـصغي لها مـن حشمه وْذوق ٍ وْسون
حُـرٍّ خَـضَـعَ لـه كُـلّ صَـعْـب ٍ وكـايد
وافي الشَـبَر ما تْخامر ظْـنونك ظْنون
تِــرْثَـة أل نْهـيّـان والْــمَـجْــد سـايـد
مـن يـاس والـياسي مَقَـدّر وَمثمون
شَـيْخ ٍ سلـيـل شْـيْوخ ضَـد الضدايد
وَاْنَـعْـم بـه ملـيـون مَـرّة وْتريلـيون
حمدان أبوه القدوة الشيخ زايـد
والصيت يتوضّوا بها الّلي يَصَلّون
لَـفْـعـال تـشـهـد فـوق كـل الـشـهـايـد
مـن راس جيـس إلى منارات حافون
هَــذا أبــو حـمـدان هــوْ لـلـشـدايـد
ما طاش سَهْم الْهزْر ما طاح من دون
مـا يلْـتَـفـت غـيـر لْـفـريـد الـطـرايـد
شـبْـحـه بعـيـد وْرَمْـيَـه آكـيد مضمون
مـن كُـلّ مـضـمـار ٍ بـالامْـجـاد عـايـد
بِـبْـيـارق ٍ رَفّـت عـلىَ قْـلاع وَحْصون
يـجني مـن العـيـس الـنجـيـب التلايـد
لي نسلها عـن بـاقي الـنـوْق مصيون
ما يحـسـب حْسـاب الخسـر والفوايد
سَـدّه غزير ومن ورا الصمت مكنون
مـن عِــدّ راهـي يـدْعـم وْلـه عـوايـد
مِـثْـل الـفُـرات وْنهْـر دجـلة وجيحون
أسْـمَ تْـوَشّـح به الصُّحف والجـرايـد
ليْ مِـن قريـته لِـلـشّـعِـر مَيّـل غْصون
سـلطان يـا سلطان بـالْعَـزْم شـايـد
فَخَر ٍ نغـنّي به عـلى سـاس وركون
شـوْق العـنود الّـلي تغـيـض الـخـرايد
وطوْق العزيز اللي من الوقْت مغـبون
مـنّـي ســـلام ٍ فـــوْق الاَرْقـــام زايـــد
بـالـرنـد والـكـادي مُـضَـمّـخ ومسكون
لِاْ فَـكّ قـفْـل الـرأس صـوع الـشرايد
صَحّـت لـسـانـك مطلبي وألْف ممنون
وضْـبـتـهـا لــك كـالـعــقـود الـفـرايـد
هـذّبْـتـها وْجَـرّيْـتـهـا لْـشَـفّـك ألْحون
كلمات اغنية البلوشي والنعم اسعد البطحري