كلمات اغنية تسهر وترقد ظافر الحبابي
يجيبك الشوق والاتجيبك الحاجه
مصيرك اليا صفعك الوقت تذكرني
اقفيت والحزن عقبك عاود ادراجه
ولابقى الا قصيدي فيك يجبرني
قبلك سمحت وهجرت العشق وازعاجه
والشكر لله قبل الروح تشكرني
وشفتك وسلمتني قلبك ومزلاجه
واصبحت تنهى على كيفك وتامرني
كنت احسب انك طبيب القلب وعلاجه
واثرك تدور على ادنى شي يكسرني
تسهر وترقد وشوقك طافي اسراجه
وانا اتململ وطار الشوق مسهرني
يامن بكاه القصيد العذب وانتاجه
الله على كل طعنه منك يأجرني
حركت بحر القصيد وهاجت امواجه
وهذا هو اللي على فرقاك صبرني
قصيدتن من سحاب الشوق ثجاجه
منظومتن من رضا الجمهور تسترني
الله عطاك القبال ولبسك تاجه
واعطاك مما عطاني مايكبرني
في طلتك ملح وبهرجتك ديباجه
متى على الله يجينني من يبشرني
يا اخر دروب الغلا اللي شيد سياجه
على خطى من غلاه العذب باشرني
يمكن مع الوقت حضي يضحك احجاجه
يجيبك الله تقول ابطيت واعذرني
كلمات اغنية وين انت ظافر الحبابي و مهدي بن ضبان