كلمات اغنية تعال عانقني عبدالعزيز بن تركي
وين انت ياللي رابيٍ وسط الاعمـــاق
ياللي حنيني لـ بــاب لقياك طـــارق
الوقت دونك مالــه بدنيتي سيــــاق
وأصبح طريق مــؤديٍ للطــوارق
مغير اصور حالتي فبيض الاوراق
فبيض الاوراق
علك من الاهمـــال تقبل مــوارق
ياللي بـ غيابك ما هدا بالي وراق
هدا بالي وراق
ياللي بحضورك بان نور المشارق
وياللي الوفاء ملبسك وبحضرتك لاق
يوم البشر ما بين مخلص وسـارق
وش غيرك ما انت بعلى الوصل سباق
صاير عن عهود المحبين مـــارق
ترى المشاعر باغيــه ود وارفــاق
وأصعب جروح القلب من شخص وارق
وغيابك اللي سيفه يدق الاعنـــــاق
نكّس لجيش الوصل سبعة بيـارق
ما عاد باقي للهــوى منه تريــاق
منه تريــاق
كود امنيه ووقوعهــا شي خــارق
بقولها واللي قســم كل الارزاق
كل الارزاق
ما عدت اشوف ان فيه اية فوارق
تعال عانقني ترى الكون بي ضاق
واخمد لهيب غياب للقلب حارق
مدري عناق موادعٍ عقبه فراق
ولا معانق شوق عقب المفارق
ما صرت مثل اول تجي دوم مشتاق
وانا فـ بحر الشوق عالق وغارق
ما صرت مثل اول تجي دوم مشتاق
وانا فـ بحر الشوق عالق وغارق