جواك بطل

كلمات اغنية جواك بطل احمد مكي

قالوا الأحلام زي الأمواج
بتتكسر على صخور الواقع
بس في ناس عرفت تكسر
صخور الواقع بحلمها
وفي ناس اتنازلت عن أحلامها
الأحلام ما بتموتش
إنما ممكن تتنسي

عاوز تحقق حلمك ينفع لكن بشرط
لازم تفارق منطقة الراحة وتعدي الخط
الـ comfort zone أمان مزيف
فارقه وفوق من الخلط
مش ممكن تعبر المحيط من غير فراق الشط
إنشف وامنع خوفك ياخد عنك قرار
وطنش إحباط الناس اللي بتتمنالك الإنهيار
هما إختاروا يشوفوا الماتش إنت قررت تلعب
هم إختاروا العادي السهل إنت قررت تتعب

أغلبهم عنده القدرة بس العبرة بالإختيار
عشان كده تلقى الأبطال في الدنيا دايماً مش كتار
لو حد حاول يقنعك تنزل بسقف حلمك
عشان يكون مألوف وواقعي ارفض
لانك إنت اللي شفت حلمك إنت البطل في فيلمك
ارمي تكالك على الخالق واخلص تلقاه يدلك
كتير حاجات اتوصفت بكلمة مستحيل
لحد ظهور إنسان نفذ وضرب مثل لكل جيل حصل
احلم حلم يكون شمس تنور حياتك
كل المخاوف والحدود أوهام مصدرها ذاتك
وافتكر دايما إن حدودك الوحيدة هي إنت

الواقع كسّر حلمك
الروح ما بتتكسرش
خد من الكسر درس
وارجع تاني أقوى وما تسلمش
مافيش أحلام بتموت
الحلم ممكن يتنسي
ثق في نفسك
وفي ربك كمل مهما الواقع قسي

إسمع إستحالة تلقى الراحة والسلام في الأول
وظروف مش عادلة والإكتئاب يبدأ جواك يغول
وأوقات هتدوق خسارة واليقين يبدأ يتحول
هتتفاجئ كتير في الرحلة بجد ومش بهول
اثبت جمع نفسك ركز وماتسلمش
وافتكر تعريف الناجح إنسان حالم ماستسلمش
أحلام من غير مجهود مالهاش تسمية غير أماني
عشان تحقق حلمك تزرع 100 فدان تفاني
خدت القرار هكمل والغي أي حل تاني
نسفت فكرة الرجوع نهائي من كياني
إنسى الماضي تحت إيدك كنز إسمه النهارده
خدلك كل يوم في سكة تحقيق حلمك حتى خطوة
مش سهل تحقق حلم بس الأصعب إنك تنساه
لو إستسلمت وإتنازلت ضاع منك معنى الحياة

سر تحقيق الأحلام الإلتزام والإستمرار
وإنك تخلص من قلبك مهما كانت الظروف مرار
الوقت اللي منافسينك فيه نايمين قوم إنت إشتغل
فضلوا السرير وإنت فضلت تقوم وتصنع بطل
ربك عادل عليه اتوكل هتشوف المعجزات
بالإيمان وبالممارسة تتحكم في زمام الذات