كلمات اغنية حب الناس كنز محمد سلطان
الرزق صاحب جدع طيب وابن حلال
الرزق ساعة رضا من ربنا في الحال
الرزق كلمة طيبة ساعة اللزوم تتقال
الرزق مش جيب اتملى ولا بنك فيه شغال
الرزق اخ وسند لو زمني بيا مال
الرزق ابن اتولد ويكون من الابطال
الرزق دعوة مجابة تصلح لنا الاحوال
الرزق حب بين البشر أفعال ومش اقوال
الدنيا فيها ناس كتير على قدها بتعيش
وناس غلابة بتنكوي عشان بتاكل عيش
وناس بتشقى وتجتهد وبردو ميكفيش
الرزق مش بالفهلوة بيجي او ميجيش
الرزق جاي من ربنا مالوش يا ناس فواتير
مقسوم علينا كلنا مفيش غني وفقير
عندك فلوس عندك هنا عندي سعادة وخير
وستر جاي من ربنا ولسة عنده كتير
مش كل الرزق فلوس
حب الناس يسوى كنوز
الدنيا دي فيها دروس
تفهمها تعيش مبسوط
لو رزقك عز ومال
في غيرك رزقه عيال
انت في كل الأحوال
واخد حقك مظبوط
الرزق زوجة طيبة في عشرتك بتصون
وناس اصلية قريبة منك تكون في العون
الرزق احساس بالرضا لو الهموم بالكوم
ومها يديك ربنا متكونش يوم فرعون
نسينا ليه نفسنا وباصين في حال الناس
عايشين وكل همنا نجمع فلوس وخلاص
بقى الطمع والنفسنة والغل فينا أساس
نعم كتير من ربنا م الساس لحد الراس
تصعب علينا نفسنا ونشكي ضيق الحال
نسينا ان ربنا محول الاحوال
بيبقى ليك ضهر وسند لو حتى بختك مال
والدنيا ساعة من التعب وساعة راحة بال
اتقل خير الناس بقم تملي باصين فوق
الناس قلوبها اتغيرت لا عاد ادب ولا زوق
بتشيل حمول فوق اللزوم وتقول عايش مخنوق
ارضى بنصيبك واشكره هتتعدل وتروق
مش كل الرزق فلوس
حب الناس يسوي كنوز
الدنيا دي فيها دروس
تفهما تعيش مبسوط
لو رزقك عز ومال
في غيرك رزقه عيال
انت في كل الأحوال
واخد حقك مظبوط
كلمات اغنية حب الناس كنز محمد سلطان
كلمات اغنية ضربة حظ محمد سلطان
