كلمات اغنية حد المصقل جمعه العريمي
بـين الجوارح للـقـطامي شَـاره
رَفّـة جنـاحه وْنَـظْرتَـه وَعْـزومـه
ما يكْـفَـخ الّلـي ما توَفّي عـيـاره
عَشّـا من سْـمَـان الـنَّوادر لـومـه
ســلام يـا حُـرٍّ نَــدَيّ الـغـاره
لِـىَ حام مـا يَكْـسر غـريمـه حومـه
رَصّـع على جْبـاه الـثُّـريَّـا أفـكـاره
صَـدْر الـسَّمـا متوَشّـحٍ بَـنْجـومـه
لَمْحٍ يذود السَّبْق عن مضماره
بالـيعـملات الضُّمْر المعصومـه
ذاب الحصىَ بخفوفها البَتّاره
تَـشْلـع مـن المهموم عَـرْق هْـمومـه
هـجْن الـرياسة سـيْـرةٍ جَـبّـاره
مكـتـوب لـهْ تاريخهـا الـدَّيـمـومـه
من سَطـرَوْه لْيوث غاره نْمَاره
مـن أوّل الـذُّروة لُـهم مقـسـومـه
شْيوخ في ساح الْـفَـخَر كَـرّاره
هَجْن الرياسة بْعَزْمَـهم مدعومه
لين أحضَرَت بجْيوشها الْجَرّاره
سيلّ تحَدّر وامْـتَلَتْ بـه حْزومـه
وَلْكُل مَضَمّر حِكمةٍ وَبْصاره
وكُلّ بَدَع في الخطة المرسومه
في بوظبي حَدّ المَصقّل ناره
ونشوّش بـه من زمْخ لـين الـدومـه
يوم أعـتزا بـالـظافر وْبـِشْعـاره
لَـبّـاه والـظـافـر بعـيْد الـشـومــه
ما خاب هَزْر الكيّس الّلي أختاره
وما خاب هَـزْر الـعارفين اسْلومه
من كل ميدانٍ يَسوق بْشاره
من ختمه أرموز أصْبَحَت مختومه
اشْداد الذهـب والكاس والكتّاره
والبندقية وْخنجرٍ مـنـظـومـه
يشهد له الكون شْجَره واحجاره
قَبْل أصدقاه يْصفّقوا له خْصومـه
في المركـز الأوّل قريت أَخباره
مـا فَـطّـر الـثانـي بِـزاده صـومـه
كلمات اغنية حد المصقل جمعه العريمي كلمات
كلمات اغنية القصيد الجزل جمعه العريمي