كلمات اغنية حرب الحرايب فهد بن فصلا
حرب الحرايب
لي مدة ارقب جيّة الهاجس تحين
يالله ب قافٍ مدلهمٍ خيياله
يضفي على بيد القوافي ربابين
اول مناشي ماطره بالجزاله
ماجابه الا ماقفٍ يعجب العين
عوايده لا جاء لزوم احتماله
يا هل التحدي والبكار المزايين
عندي لـ هل شقح المزاين رساله
في مهرجان مؤسس الدار لافين
بشولٍ على العالم قوي اشتعاله
خلو المراكى في مراح البعارين
الرقم الاول جاكم اللي ارتكاله
جاكم راع العرفا يدك الميادين
يفر شوط الشقح فرة محاله
شقحٍ ما اخذناها استعاره ولا دين
تخلي المنطوخ يرهن حلاله
خرع الاذان مقوسات العرانين
وسنداً طويلة جنب فيها انتلاله
وسبالها متدليّه حول شبرين
مجرى الهواء يادوب يلقى مجاله
في ضفنا ترعى الخطر والبساتين
اما جنوب الدار ولا شماله
وحنا عوايدنا من اول وذا الحين
ندور الشوط القوي ونعناله
والفوز يبغاله درايه وتثمين
يبذله الرجال وقته وماله
ومرزوق واخوانه على الطيب ضارين
ءسلالةٍ يا طيبها من سلاله
مامات من خلف رجالٍ مسمين
سارو على نهجه ب طيب وشكاله
ترثت ذوي مرزوق ريف الميامين
الضيف وقت الجوع يكرم سباله
الناس تودع ف البنوك الملايين
وحنا مع اهل الطيب نودع جماله
وربعي هل العرفا كعام المعادين
كسابة الناموس في كل طاله
من روس قومٍ كلبوهم سلاطين
مافيهم اللي قاصراتٍ حباله
حررب الحرايب ملحقين المخلين
يوم ان نجد تسود فيها الضلاله
ما عندنا للمجد بكره وبعدين
حاضر بحاضر مانعرف استحاله
والحمد لله يوم صرنا مقِيمين
في ضف منهم ينصرون العداله
ال السعود مرجحين الموازين
يوم الجزيره كاسيتها الجهاله
كلمات اغنية اخوان بدوي خالد ال بريك و فهد بن فصلا