كلمات اغنية خاف ربك عبدالله ال فروان ومحمد الديحاني
لا خذاك البعد جابتك الطواري
والسراب ولوعة الهجر ومداها
لا تويق وتبتسم والليل ساري
ولا تصد وتترك الارض وسماها
والله اني كل ماجاء منك طاري
طاحت دموعي على شيٍ دهاها
ينحني لك قلب وعيونك تداري
بسمتك شمس ومظاليلك سناها
شف جروحي يابعد روحي تواري
لا تبين وينكشف عنها غطاها
سامح الله جرحك وشوقي وناري
والغياب ونجمة الليل وضياها
خاف ربك في خفوقي وانت داري
ليه تجفى وانت لعيوني رضاها
وانت لعيوني رضاها
الوصل يا ملهم الروح اضطراري
لا تغلى وانت عيني وانت ماها
يوم كنت احن من حبي واداري
يوم لا نامت يسامرني غلاها
ذاك همي ذاك حزني وانكساري
وذيك فرحة عمر وصلت منتهاها
ذا فراقك ذا هجيرك ذيك داري
ذي سنين الشوق يا بسمة شفاها
لا ذكرتك حار في ليلي نهاري
حيرةٍ جتني ولا ادري وش وراها
اغفري يا نجمة الصبح انتظاري
وارفقي يالفحة البرد وشتاها
ايه ياذكرى المرابع والصحاري
ايه ياقلبٍ بغاها مالقاها
