خسرانة
ريتشارد
كلمات اغنية خسرانة ريتشارد
البدو يخسرني
يقلي مافي داعي يتدلل
من هلأ يضبضب حالو
برا قلبي يتفضل
لإنو مزاجي متضايق
ومش رايق إتحمل
ويلي مش زعلان يحكيني
وندردش بلكي بيزعل
من الآخر إنتو جماعة بتحبو الخيانة
كل ما أوثق بواحد بيطلع ألعن من التاني
قررت أفرط هالجمعة وسكر الدكانة
طالما القصة في إنتو حتى إذا ربحت خسرانة
مين يلي قدي
بالقمة وحدي
النجم الكنت شوفو بالسما
عم شوفو حدي
ركز حبيبي
كل شي من ترتيبي
أنا وقت البدي
عالحكي بفرض ضريبة
ويلي بتلفظو شفافي
هيدا تحت إشرافي
ياعتمة أنا بوقف حدك
إذا من العتم بتخافي
قد مافيكم عليي تحكو
أحكو وكترو وزيدو
ويلي عم بمثل مشهد
بلا دخلك عيدو
ويلي عندو عشر وجوه
ولا وجه رح يفيدو
ماحدى خسرني من إيدي
كل مين خسرني من إيدو
ماحدى يقلي تغيرت
وطبعك صاير قاسي
مابتظبط حياتي معكم
بلا خبرة ودراسة
مافيي إتشبه فيكم
مابيحملني راسي
صعبة إلعب ع عشر حبال
إنتو بدكم لاعب أساسي