كلمات اغنية دايخ في زمن بايخ احمد موزه
دايخ في زمن بايخ
مع ناس عاملين فيها مشايخ
وانا مش وارث ولا ابويا صايغ
دا انا شب بسيط
وحيد والليلة ليلتي
انا من صغري شايل شيلتي
جدعنتي دي كانت مشكلتي
لبست ف حيط
انا شب عاش حياتو بايظةه
والدنيا قاسية فوقي دايسة
مطلعتش زي ما امي عايزة
كان نفسي احقق حلمها
كان نفسي اكون واحد كويس
كان حلمي اكون ف يوم مميز
كل ما اقوم ف حيطة بلبس
كاره حياتي كلها
تايه مش لاقي مرسا
واقع بين شياطين وابالسة
كل الخلق عليا بتقسا
تعبت خلاص
شقيان وطالع عيني
مبقولش لحد انا يديني
بشكي لنفسي همومي و اواسيني
مش عايز ناس
انا اللي دايما الحياة
تهدو وتعاند معاه
انا اللي من همومو تاه
والناس بحالها جت عليه
من اللي مني بتأذي
انا ليه تملي بتنسي
يا دنيا فيا ميزي
مش جاي معاكي سكة ليه
ف بداية الموضوع
انا شخص قضا حياتو موجوع
بكتب وعيني مليانة دموع
وشايل احزان
عيشت ف هم و ويل
تعبان حزين مهدود الحيل
مش زمبي اني طلعت فقير
علي قد الحال
اصل الحكاية وبدايتها
الانسانة اللي انا حبيتها
عن كل الناس انا بدتها
كنت حلم عيشت ببني فيه
مش من كتير غرام ما بينا
بس احنا من يوم اتقابلنا
شايفين ان الجواز تالتنا
بس النصيب رافضنا ليه
قررت اني اخطبها
وقولت اروح من بيتها اطلبها
ولو عشانها الدنيا احاربها ومتسبنيش
جي ب ابويا وامي
واللي انت عايزو يا عمي امرني
قال بنتي مش ليك اسمع مني ومقبلنيش
خرجت والدموع ف عيني
امي عمالة بتواسيني
ازاي اسيب حب سنيني
ولا عشان على اد حالي
إكمن ابوها مليونير
وانا اللي جاي من بيت فقير
عقلي هيشت م التفكير
ازاي حبيبتي تضيع قبالي
من يوم اللي حصلي
ومفيش خبر عنها بيوصلي
وحشاني وفراقها مدمرني
دي غيرها مليش
كل ما ارن عليها
مقفول ومش عارف اوصل ليها
انا عارف ان ابوها مخليها متكلمنيش
دخلت حالة اكتأب
مفيش سؤال ولا جواب
راحت سابتني ف العذاب
كل اللي بينا فجأة راح
ببكي وبفكر طول الليل
منين اجيب فلوس كتير
هعمل عشانها المستحيل
انشالله اتاجر ف السلاح
وادي اخر الموضوع
علشانها انا مشيت ف الممنوع
مشيت ف سكة مفيهاش رجوع
وبروحي خاطرت
صفقة تجر التانيةه
وبقيت معايا فلوس و ف ثانية
انا قولت هانت هتبقا ليا
ل ابوها انا روحت
ولما روحت عند بيتها
لقيت ف البيت يا ناس صورتها
ف الكوشة قاعدة مع عريسها
اوام سالت مني الدموع
ازاي يا ناس تكون ل غيري
دي لاجلها ضاعت سنيني
بقا بعد كل دا تسيبيني
عايش لوحدي انا موجوع
كلمات اغنية دايخ في زمن بايخ احمد موزه
كلمات اغنية انت نصي التاني بوده محمد و احمد موزه
