كلمات درة بحر
ياعيون الي تهايق من الجال الرفيع
شاف له جول تدارج على ضيحة عصر
شاف له جول(ن) يقطف زماليق الربيع
في محلن ناقعٍ ماه والحجر خضر
طيرتهن حايل مشيها دايم سريع
تقطف الزملوق قدام قنطوشً عفر
عند عودن لايحرج ولايرضا يبيع
ولانشرها ف السنابات لصحاب النظر
ياوديع السر حافظ على سر الوديع
لاتبثه لين يدري عنه زيد وعمر
احتفظ بالسر قبل المحبه لاتضيع
العرب فيهم حواسيد ووجيهن قشر
بس اخذني يا هوى البال بالصدر الوسيع
وان حدتني عجف الايام ابى منك الصبر
اقتسم من صبري اللي مثل صبر الوجيع
صبر مكسوراً يجبّر وعظمه ما جبر
ونتي من بعدكم ونت الطفل الرضيع
ماتت امه مالها الا ليالي من شهر
ياحلية شرد الصيد والصفرا الطليع
ياذهب يالماس يالول يادرة بحر
فيك خمس اوصاف ف البيض ماتوجد جميع
الله الي حطها فيك من بد البشر
النحر والرمش و الجسم والعنق الرفيع
والجديل الي يغط الردايف والصدر
كلمات اغنية درة بحر نمر الجذع
كلمات اغنية ياغايبة نمر الجذع