كلمات اغنية درس جعفر محمد فريدون
درس جعفر حفظناه حفظناه
فــــلا ننـسى حُسيناه حُسيناه
وصيّه امن الولي واحنه لبّينه
إلى جعفر عهــــد من موالينه
فلا ننســه أبد يـوم أبواسكينه
نگلّه ابكل عزم يشبل الطاهره
حُسينك للأبد نِوَعْدَك نذكره
عهــد بالدم كتـــبناه كتـــبناه
فــــلا ننـسى حُسيناه حُسيناه
نحبّ الصــــادق ومـــن ينافسنه
رئيس الطائفــــه وكــل مدارسنه
وإجت من حوزته حُـب مجالسنه
مِنِ الصادق يظل نَفَسْنـــه منبري
وَأَحيـــــــوا أمرنا شعار الجعفري
او نداء الحــب عرفناه عرفناه
فــــلا ننـسى حُسيناه حُسيناه
ابگلب كل رافضي إسْم أبوالأكبر
حُسيني للأجـــل حاشــــه يتغيّر
بعد تدعـــي إلـــه فاطمه الكوثر
نعاهـد فاطمه عزانــه دائــمي
الموالي سيرته حُسيني فاطمي
يَزَهْره ابْنِــچ عشگناه عشگناه
فــــلا ننـسى حُسيناه حُسيناه
الحسين إبن علي نفخــر انخدمه
عرفنــه خدمتـــه قمّــه عالقــمّه
اليخدمه بالسجل ينحفظ إســمه
نضحّيله العــمر وَاعَزْ مــا نمتلِك
عبيده احنه نظل وَابَواليمّه الملِك
مـلك باقــي لگـــيناه لگـــيناه
فــــلا ننـسى حُسيناه حُسيناه
اعله مصباح الهدى نجزع وننحب
صدرنـــه نلطمـــه والدمـع ينصب
ولا ننســـى بعــــد بــت علي زينب
تأســـس هـالعـــزه مِنِ ادموع النّبي
او عزه احسين الولي بقائه زينبي
مـثــــل زينب ندبــناه ندبــناه
فــــلا ننـسى حُسيناه حُسيناه
دعينه ابكل وكت ردنه لزياره
أبوالأكبـــر علي يا حلـــو داره
نزوره ابكربلــــه والگمر جاره
أبواسكينه إذا نجيلـــه كربله
يحــيّي شيعته هله بيكم هله
نگلّــه لــــــو إجيــناه إجيــناه
فــــلا ننـسى حُسيناه حُسيناه
كلمات اغنية جنتكم حسين محمد فريدون
