كلمات اغنية راعي الهواجيس فايز الدوسري

طلّعو راعي الهواجيس من جوًّ بجوّ
واحدا عفويّته بين عرفه وجهله

صار له فتره وهو بين ليت وبين لوّ
وان زعل من خاطره كيف يدرا بزعله

كنه اصغر واحداً ماينام بغير ضو
ايتضايق لاطفا النور ويضايق هله

لو يقال اللي مزعّلك هذا قال هوّ
لاظلم له واحدًا مايجازى بعمله

ياخبير الدرب ياسايق ً قطّاع دو
مرني بالله لاهنت لو فيك عجله

ودي اخاويك يالقرم قبل تقول خوّ
وايّ شيّ ن ينقصك كان ماشلته شله

نطّح الموتر نسيم الهوا واطلع وهوّ
وايتضايق من تضايق ويدله من دله

ماتزين اخلاقنا الا نجي برضً خلوّ
وانتخيّر موقع قفر ماحيّ دهله

شبّ نارك في غصون الغضا اليابس وسوّ
دلّةً يصلح ولدها على بنت نخله

صبّ لي لاهنت ماقول لك كثّر وشوّ
والمزعفر لا لقا الهمّ بالصدر غسله

جعل بالطلعات صحة بدن وفراق سو
عن غرامً جا على روض جوفي ونزله

مادريت ان الهوى يندعا به غير تو
يوم حط القلب ديوان والباب قفله

تلني تل الرشا في نهار اشرب وروّ
فوق عدّ ً من بغا الما ورد له وانهله

حنتي حنة خلوج ً عزت من شوف بوّ
تدري انّ حوارها ميت والبوّ بدله

ياوجودي وجد من شاف ضعفً عقب قو
كل حول يحلّ حاله وحيْله وحيَله

من جميلً مابعد قال قوّ وقلت قوّ
ابدويّ وربعه اجناب مالي به صله

عقب ماهم مقبلينً يبون اطراف جوّ
مع مثلّث خط حايل ورفحا وجبله

جتهم الاخبار بديارهم برّاق نو
كلّ هملولً ليا مرّها هلّ هلله

اقعدوا يومين وعسوسهم راحو وجوّ
واشلعو عشرين قامه وعشرين رحله

مع جزومً كل دربه خطر ياذيب عوّ
لافعل ماقال وان قال له قول فعله

كلمات اغنية هود الليل فايز الدوسري

كلمات