كلمات اغنية راهيات حرب جفران بن هضبان
راهيات حرب
بعد قفا الصيف والسيل شهد بالحزوم
وانجلة عنا سمومه وباشرنا مطر
واعلنو وقت المزاين وناسب للعموم
فيه من قرب بذوده وفيهم من قصر
من قرب يامرحبابه بس الشوط محسوم
شقحنا على المنصات عجله وتهدر
ياهل العرفا ليا حان تشمير الكموم
فعلكم ماهو جدايد وماضله عصر
لابدا جو التنافس ماهو جو الغيوم
ودنا ماحدً يغايب ولا يبدي عذر
دونكم مرزوق واخوانه قروم القروم
للتحدي نار تاكل ولصاحب جبر
مثلونا خير تمثيل واطيبنا مخدوم
جددو جو التحدي وذاعوله خبر
وارثين العز من راس زيزوم العزوم
الحمايا وسط راسه مقر ومستقر
حافظً دين العقيده ونادرة السلوم
جعل قبره رايح المزن لامنه حدر
سمعة مفرح شذاها يفوح كل يوم
سيرة عطره وفعلً بعد ادها وامر
روس ربعي يوم ماني من العز محروم
عزوتي حرب الحرايب مجلية الكدر
بالنقا ولا التقا قسمنا خير القسوم
ولانزلنا الدار مال العدا معنا خشر
وايه عشاقة نواميس ونضد الخصوم
لاحضرنا ماغلبنا ولا ابن امه بشر
ياهل الشقح النوادر محطمة الرقوم
من معه زينً حقيقي يجينا ويحضر
عندنا جلً مسكت وضغط من العجوم
وعندنا فردي حريقه وصلوً من جمر
مانبا المصفوط والي لها 20 سوم
مانبا الا الفردي الي من السومه بكر
عندكم حرفة مسوق وقوم تصل قوم
وعندنا شيكً مصدق ومنعورً عسر
لا لقا الروس الخليقه مقوسة الخشوم
الرقاق الي نتبها نسل هرشً ندر
شدقها من حدري العين جايله كموم
ومن مقر لحيها راهيً يركم حدر
ارتكازة راسً ادلخ يخايل للنجوم
وارتفاع المتن ممزوج مع نكسة ظهر
قاطع الفردي اعلانه نشوف كل يوم
ينتخه في 6 الاصفار وبعرف ونظر
مايدور كود جردا تهوم القاع هوم
طافحً سندا ظهيره من اندر ماندر
نيها دبرة معلم عن النقص معصوم
ماترايع كود في ريم وبقاعً قفر
عند فرز الشبك الاول تبا تبين العلوم
ماتفرق عزلة الشبك الاقصى والصدر
جعل يبطي حي راسه ولايقفاه لوم
الخبر وقع بقلب المنافس والخطر
مايبا الا مصافحة سيدي قدم العموم
وكل عام يضيف فردي ويعلن ويحضر
كلمات اغنية اقبل بها مشتريها ماستعرناها جفران بن هضبان