كلمات اغنية ربع ساعه ناصر الزبني
ياقمر عمري غيابك صار ليل
ليل مظلم والاماني طافيه
كل قلب يشح في وصله بخيل
يعتبر ضمن القلوب الجافيه
بعد ماذقت القراح السلسبيل
معك يانهر المياه الصافيه
ليه تحرمني وتتركني عليل
وانت بغيابك تغيب العافيه
من وصالك كنت راضي بالقليل
ربع ساعه من حنانك كافيه
لاتشمّت بي هل الرأي الهزيل
يتعبوني بالظنون الهافيه
ارسل الاشواق بالصوت الطويل
وأنتظر منْك الردود الشافيه
في وصوف الزين ماحولك مثيل
كامله فيك الوصوف الوافيه
انت نخله غير عن كل النخيل
بالثمار وبالغصون الضافيه
المفارق يشبه السيف الصقيل
والجفا مثل الكفوف الحافيه
ياحبيبي بعدك الخاطر ثقيل
بيّنت كل الجروح الخافيه