كلمات اغنية رد تار زياد الدساس
اخبي ليه و لما اخبي ايه السبوبه
على عينك يا تاجر كل حاجه اهي مكتوبه
بهرب من الزعل في النوم و طول اليوم انا في غيبوبه
بغني عشان ارتاح مش عايز اعجب كام كلبوبه
شوفت الدنيا دي في ثانية ضاقت بيك
لما اللي كان منك و ليك قالك انه عاش بعديك
و انا مش بعاديك انا بـ اصلي معديك
كنت مفقوس من البدايه فـ متعملش عليا ديك
فسرلي عرفني بس ايه اللي صارلي
مبقتش عارف انام مرتاح ولا حتى عارف اصلي
شوفت كلاب بتتربصلي بس عملت بـ اصلي
حتى اللي انا حبيتها قالتلي اسفه انت مش ستايلي
الله يرحم ده انا كان زمان يتفاتلي بلاد
كانوا بيتمنوا يشوفوني و دلوقتي بينسوا المعاد
كانوا حبايبي دلوقتي بقى بينا مصانع الحداد
مش هيلاقوا حد زيي عشان محدش زي زياد
قلبي بير ملوش قرار بتوه و اضيع مليش قرار
بعيش محتار انا في مرار اطلع من نار اخش في نار
و ازاي اختار ما كل شئ حبيته طار
و دي مش اغاني ولا احزاني ده بس رد تار
ازاي بعدنا انا مكنتش بحسبها
ده انا رغم تعبي و شغلي مكنتش بعرف ثانيه اسيبها
كانت زي الطفله كلمه توديها و كلمه تجيبها
و انا لو عليا عملت اللالي و برضو مش عاجبها
راح انبساطي متبقاليش انا غير عياطي
مش هفضل اترجاكي ترجعيلي و اطاطي
تعبت من امراضي راح شغفي و نشاطي
كل شويه بهبط علشان ضغطي زيك واطي
بعدي مش هترتاحي هتفضلي تتمرمطي
هنساكي و بكرة تشوفي صورتي و تعيطي
بتقولي انك ناسياني و لسا برضو بتستعبطي
حاولت اني اعدل فيكي و انتي غاويه تتشرطي
قولتي بحبك و انا صدقت عشان عبيط بـ رياله
قالولي بكرة تسيبك قولت لا استحاله
و ربك ما يوريكي قهرة الرجاله
بفتكرك كل ما امي تقوللي روح ارمي الزباله
قلبي بير ملوش قرار بتوه و اضيع مليش قرار
بعيش محتار انا في مرار اطلع من نار اخش في نار
و ازاي اختار ما كل شئ حبيته طار
و دي مش اغاني ولا احزاني ده بس رد تار
كلمات اغنية حكايتنا خلصت زياد الدساس